+7 (701) 759 90 19 Лента
-11 °С : استانا
-6 °С : الماتى
USD 371.56 EUR 422.43
RUB 5.56 CNY 53.51
جاڭالىقتار

قارتايۋعا كەدەرگى بولاتىن 5 ادەت

6 جەلتوقسان 17:28 163
:ءبولىسۋ
قارتايۋعا كەدەرگى بولاتىن 5 ادەت

 استانا. قازاقپارات - اينالاڭىزدا كەيبىر ادامدار ءوزىنىڭ بيولوگيالىق جاسىنا قاراعاندا جاس كورىنەدى مە؟

مۇنى كوپشىلىگى الكوگولدى ىشىمدىكتەردەن، شىلىم شەگۋدەن، ەسىرتكى پايدالانۋدان اۋلاق جۇرەتىن ادامدار دەپ ءتۇسىنۋى مۇمكىن.

الايدا، مۇنداي ادەتتەردەن اۋلاق بولسا دا، ءوز جاسىنان ەگدە كورىنەتىن جانداردى كەزدەستىرەمىز. ۇزاق جاساۋ ءۇشىن اعزاڭىزعا جاقسى جاعداي جاساۋىڭىز قاجەت. قارتايۋدىڭ الدىن الۋعا تومەندەگى كەڭەستەردىڭ تيەر پايداسى مول.

قاتاڭ ديەتالاردى ۇمىتىڭىز

ءسىزدىڭ اعزاڭىز دۇرىس جۇمىس جاساۋ ءۇشىن، مايدى قاجەت ەتەدى. «ماي - زيان!» دەگەن سەنىم ءبارىمىزدىڭ ويىمىزدا جاتتالىپ قالعان. ءبىراق تاعام ءوندىرۋشى كومپانيالار مايسىز تاعامداردى بىرنەشە جىلدان بەرى شىعارىپ كەلسە دە، ارتىق سالماق ماسەلەسى ءالى كۇنگە دەيىن جويىلعان جوق. ءبىزدىڭ اعزامىزدا قارتايۋمەن كۇرەسەتىن تەستوستەرون گورمونى دۇرىس قىزمەت اتقارۋ ءۇشىن حولەستەرين مەن مايدى قاجەت ەتەدى. سونىمەن قاتار، بۇنداي ديەتالار ارتىق سالماق قوسۋدىڭ باستاپقى ساتىسى بولىپ تابىلادى. ارتىق قىلامىن دەپ، تىرتىق قىلىپ جۇرمەڭىز.

ارقا جاتتىعۋلارى كومەكتەسپەيدى

سىزگە كەرەگى - جۇرەگىڭىزدىڭ جاقسى سوعۋى ەمەس پە؟ ءبىراق وعان ۇزاق ۋاقىت جاسالاتىن ارقا جاتتىعۋلارى كومەكتەسپەيدى. ەگەر توزىمدىلىك ءۇشىن ارقانىڭ بۇلشىق ەتتەرىن سوزىپ جاتتىعاتىن بولساڭىز، توقتاتقانىڭىز دۇرىس. بۇل، كەرىسىنشە، اعزانىڭ قارتايۋ پروتسەسىن جەدەلدەتەدى. وسىنداي جاتتىعۋلاردى قىسقا، جىلدام جاسالاتىن، ەپتىلىكتى قاجەت ەتەتىن جاتتىعۋلارمەن الماستىرىڭىز. مۇنىمەن جۇرەكتىڭ قىزمەتىن جاقسارتا الاسىز.

دەنساۋلىعىڭىزدىڭ ناشارلاۋىن جاسىڭىزدىڭ كەلۋىنەن كورمەڭىز

ءبارى وزىڭىزگە بايلانىستى. ەگەر قارتايدىم دەپ، ءوزىڭىزدى يلاندىرساڭىز، اعزاڭىز دا سوعان كونەدى. سالاۋاتتى ءومىر سالتىن ۇستانىپ، سپورتپەن شۇعىلدانساڭىز، ءالى جاپ-جاس ەكەنىڭىزگە اينالاڭىزداعى جاندار دا سەنىممەن قارايدى. كۇن سايىن وپتيميستىك كوزقاراسپەن جۇرسەڭىز، ماسەلەلەرىڭىزدىڭ دە ازايۋى ءسوزسىز.

سۋدى كوپ ءىشىڭىز

باۋىر مەن بۇيرەكتىڭ قالىپتى جۇمىس ىستەۋىنە سۋدىڭ پايداسى زور. ءارى تەرىڭىز دە جاقسارا تۇسپەك. سۋدى كۇندەلىكتى ءىشىپ تۇرۋدى ادەتكە اينالدىرىڭىز. دارىگەرلەردىڭ كەڭەسى بويىنشا، سۋدىڭ %20 ى كۇندەلىكتى قابىلدايتىن تاماقتان، قالعان %80 ى اۋىز سۋ مەن باسقا دا سۇيىقتىقتان كەلۋى كەرەك. تاعى ايتا كەتەتىنى، ءار كۇنىڭىزدى ءبىر ستاقان سۋ ىشۋدەن باستاڭىز.

ۇيقىڭىزدى قاندىرىڭىز

تىم از ۇيىقتاۋ نەمەسە تىم كوپ ۇيىقتاۋ ميىڭىزعا كەرى اسەر ەتەدى. «كۇنىنە 8 ساعات ۇيىقتاۋ كەرەك» دەگەن جالعان ستەرەوتيپتى جادىڭىزدان ءوشىرىپ تاستاڭىز. عىلىمي زەرتتەۋلەر بويىنشا، كۇنىنە 6,5-7 ساعات ۇيىقتايتىن ادامدار ۇزاق ءومىر سۇرەدى ەكەن. ۇيقىسىزدىققا اسەر ەتەتىن فاكتورلاردىڭ ءبىرى - ماگنييدىڭ جەتىسپەۋى. وسى ەلەمەنت كوپ كەزدەسەتىن ساۋمالدىق (شپينات) جانە اسقاباقتىڭ داندەرىن كوپ جەڭىز.

 دەرەككوزى: "پسيحولوگيا الەمى" توپتاماسىنان

 


باستى سوزدەر: دةنساؤلئق, قوعام,
:ءبولىسۋ

اأتور:

novasa

ونلاين قىزمەتكەرلەر
رەداكتور
بەيسەن سۇلتان
بەيسەن سۇلتان
954-049
مۇراعات