قازاقستان تۇرمەلەرىندە موڭعوليانىڭ 5 ازاماتى جازاسىن وتەۋدە

None
None
استانا. قازاقپارات - ق ر باس پروكۋرورى قايرات قوجامجاروۆتىڭ موڭعوليانىڭ باس پروكۋرورىنىڭ ورىنباسارى ەردەنەبات گانباتپەن كەزدەستى.

بۇل تۋرالى قازاقپارات باس پروكۋراتۋراسىنىڭ باسپا ءسوز قىزمەتىنە سىلتەمە جاساپ حابارلايدى.

قاداعالاۋشى ۆەدومستۆولاردىڭ باسشىلارى ترانسۇلتتىق قىلمىسقا، ەكسترەميزم مەن تەرروريزمگە قارسى تۇرۋ ماسەلەلەرىن تالقىلادى.

ەكى ەلدىڭ اراسىندا جاسالعان قىلمىستىق ىستەر بويىنشا ەكستراديتسيالاۋ جانە قۇقىقتىق كومەك تۋرالى، سوتتالعان ادامداردى بەرۋ تۋرالى ەكى جاقتى شارتتار جەتكىلىكتى دارەجەدە ىسكە اسىرىلىپ جاتقانى اتاپ ءوتىلدى.

بۇگىنگى كۇنى قازاقستاننىڭ تۇزەۋ مەكەمەلەرىندە موڭعوليانىڭ 5 ازاماتى جازاسىن وتەۋدە.

«اعىمداعى جىلدىڭ 29- ناۋرىزىندا سوتتالعانداردى بەرۋ تۋرالى شارتقا قول قويىلعاننان كەيىن، قىلمىسقا قارسى كۇرەس سالاسىندا ەكى ەلدىڭ اراسىندا تولىق حالىقارالىق-قۇقىقتىق بازاعا قول جەتكىزدىك»، - دەپ اتاپ ءوتتى ق. قوجامجاروۆ.

ەردەنەبات گانبات سىندارلى ىنتىماقتاستىققا جانە قۇقىقتىق سالاداعى قاتىناستاردى ودان ءارى كەڭەيتۋ ماسەلەلەرىن تالقىلاۋعا مۇمكىندىك بەرگەنى ءۇشىن قايرات قوجامجاروۆقا العىسىن ءبىلدىردى.

سونىمەن بىرگە قازاقستاندىق ارىپتەسىنە ءوزارا ءتيىمدى سۇحباتتى جالعاستىرۋعا دايىن ەكەندىگىن ءبىلدىردى.

سوڭعى جاڭالىقتار