ءسىزدىڭ تەرىڭىزدىڭ تەز قارتايۋىنان سىر بەرەتىن 5 بەلگى

None
None
 استانا. قازاقپارات - ء​سىزدىڭ تەرىڭىزدىڭ تەز قارتايۋىنان سىر بەرەتىن 5 بەلگى

ءوز جاسىڭىزعا ساي ءتۇرىڭىزدىڭ بولعانىنا نە جەتسىن، ال ءوز جاسىڭىزعا قاراعاندا 5-10 -جىلعا جاس كورىنۋ ارينە تىپتەن كەرەمەت.

ال ەگەر «تەز قارتايۋدى» باستان وتكەرىپ جاتساڭىز، نە ىستەۋ قاجەت؟ كوسمەتولوگتار ەسكەرتۋىنە سايكەس: تەرىڭىزدىڭ تەز قارتايۋى بەت-الپەتىڭىزدەن انىق كورىنىپ تۇرادى، بار بولعانى ونى دەر كەزىندە انىقتاپ، شارا قولدانىپ ۇلگەرۋ قاجەت. ءسىزدىڭ تەرىڭىزدىڭ ەرتەرەك قارتايۋ بەلگىلەرى تومەندەگىدەي:



سىزدە كۇن ساۋلەسىنەن قارا داقتار پايدا بولىپ جاتسا

تەرىنى ەرتە قارتايتاتىن جامان ادەتتەردىڭ ءبىرى - كۇننىڭ استىندا كوپ ءجۇرۋ ەكەنى بەلگىلى. ۋلتراكۇلگىن ساۋلەنىڭ تەرىگە تەرىس اسەر بەرەرىن تۇسىنگەن دۇرىس. تەرىڭىزدە قارا داقتاردىڭ پايدا بولا باستاعانىن بايقاساڭىز، كۇننەن قورعانىپ ءجۇرىڭىز، اعارتقىش قۇرالداردى دا جاعىڭىز. سونىمەن قاتار ۇيالى تەلەفونمەن دە از قولدانۋعا تۋرا كەلەدى: كەيبىر زەرتتەۋشىلەر تەلەفون ەكرانىنىڭ كوگىلدىر ءتۇسى مەن بەتتەگى قارا داقتاردىڭ اراسىندا بايلانىس بار ەكەنىن انىقتاپ وتىر.

تەرىڭىز قۇرعاپ كەتسە

جاس ۇلكەيگەن سايىن تەرىمىز ىلعالدىلىعىن جوعالتا تۇسەدى، ونىڭ ورنىن تولتىرۋ دا قيىن. جاس كەزىندە مايلى تەرىگە ارنالعان جاقپا مايلاردى ساتىپ الاتىن ايەلدەردىڭ ءوزى ۇلكەيگەندە قۇرعاق تەرىگە ارنالعان قۇرالدارعا اۋىسقانىن بايقاپ جاتادى. تەرىدەن ىلعالدى تەك جاس قانا ەمەس، قورشاعان ورتا، كۇن، كۇيزەلىس، ءبارى دە جۇتىپ وتىرادى.

ەگەر تەرىڭىزدە قۇرعاقتىق بارىن سەزسەڭىز، قۇرامىندا ومەگا، كوكوس مايى، كەراميد جانە ديمەتيكون بار ىلعالداندىرۋشى ەلەمەنتتەردى پايدالانىڭىز. اپتاسىنا ءبىر رەت ىلعالداندىرۋشى ماسكا جاساعان دا ورىندى. جانە دە ىلعالدى قانشالىقتى قابىلداعانىنا ساي تەرىڭىزدىڭ قارتايۋى دا سونشالىقتى باياۋ بولاتىندىعىن ەستەن شىعارماڭىز.

سوزىلىڭقىلىق سەزىمى پايدا بولسا



ەرتە قارتايۋعا نەمەسە تەرىنىڭ تەز قارتايۋىنا جۋىنۋدىڭ نەمەسە بەتتى قاتتى تازالاۋ ءتۇرى دە سەبەپ بولاتىنى بەلگىلى. ەگەر بەتىڭىزدى جۋعاننان كەيىن ول سىقىرلاپ، تارتىلعان بولسا، بەت جۋۋ قۇرالىن مىندەتتى تۇردە اۋىستىرۋعا كەڭەس بەرەمىز. بەتتى تازارتاتىن ءارى ىلعالداندىراتىن جۇمساق قۇرالداردى پايدالانىڭىز.

ءسىز شارشاڭقى ءارى ابىرجىگەن كەيىپتە بولساڭىز



جۇرگىزىلگەن زەرتتەۋلەرگە سايكەس، شارشاڭقى ءارى ابىرجىگەن كەيىپ ءسىزدىڭ تۇتىناتىن تاعام مولشەرىڭىزدە قانتتىڭ كوپتىگىنەن سىر بەرەدى. قانت مولەكۋلالارى وزگە دە مولەكۋلالارمەن سوقتىعىسىپ، اقۋىزدى قاتايتا تۇسەدى، بۇل بوس راديكالدارعا دا اسەرىن تيگىزەدى. ال بۇل بوس راديكالداردىڭ تارىلۋى تەرىنىڭ جۇمساقتىعى مەن سوزىلىڭقىلىعىن جويادى.



ءسىزدىڭ تەرىڭىز قاعازعا ۇقساپ بارا جاتسا ەگەر ءسىز ءالى دە جاس بولساڭىز، ال تەرىڭىز جۇقا قاعازدى كوز الدىڭىزعا ەلەستەتسە، دەمەك بۇعان ەكى سەبەپ بولۋى مۇمكىن: بىرىنشىدەن ءسىزدىڭ اعزاڭىزعا كالتسي جەتىسپەيدى، ال ەكىنشىدەن تەرىڭىزدىڭ pH تەڭگەرىمى بۇزىلعان. سىزگە مىندەتتى تۇردە اعزاڭىزداعى كالتسيي دەڭگەيىن تەكسەرتۋ قاجەت ءارى كوللاگەن بەلسەندىلىگىن قالىپقا كەلتىرەتىن پروبيوتيگى بار ىلعالداندىرۋشى جاقپا مايلاردى بەتىڭىزگە جاققانىڭىز دۇرىس.

 دەرەككوزى: ​goodhouse.ru

سوڭعى جاڭالىقتار