قازاقستاندا جىل سايىن كامەلەتكە تولماعان 5 مىڭ قىز جۇكتى بولىپ قالادى

None
None
استانا. قازاقپارات - ق ر قوعامدىق دامۋ ءمينيسترى دارحان قالەتايەۆ جاستار اراسىندا ءوز-وزىنە قول جۇمسايتىندار سانى ازايىپ كەلە جاتقانىن ءمالىم ەتتى، دەپ حابارلايدى قازاقپارات.

«ستاتيستيكا بويىنشا الەمدە جىل سايىن 18 جاسقا دەيىن ەرتە انا اتانعان 15 ميلليون قىز تىركەلەدى. ونىڭ ىشىندە 40 پايىزدان استامى تۇسىك جاساتادى. بىزدە جىل سايىن وسىنداي جاعدايعا 15-18 جاس ارالىعىنداعى 5 مىڭنان استام قىز تاپ بولادى»، - دەدى مينيستر ەلورداداعى «ينۆەستيتسيا - جاستارعا. ەشكىمدى تىس قالدىرمايىق» حالىقارالىق كونفەرەنسياسىندا.

سونىمەن قاتار، دارحان قالەتايەۆ الەمدەگى جانە قازاقستانداعى جاستار اراسىنداعى سۋيتسيد ماسەلەسىنە توقتالدى.

«دۇنيەجۇجىلىك دەنساۋلىق ساقتاۋ ۇيىمىنىڭ مالىمەتىنشە، جىل سايىن 67 مىڭعا جۋىق جاس ءوسپىرىم وزىنە زاقىم كەلتىرۋ سالدارىنان كوز جۇمادى. سۋيتسيد جاس وسپىرىمدەر اراسىنداعى ءولىم-ءجىتىم بويىنشا الدىڭعى ورىنداعى سەبەپتەردىڭ ءبىرى بولىپ وتىر. ستاتيستيكا كوميتەتىنىڭ دەرەگىنە سۇيەنسەك، قازاقستاندا 14 تەن 28 جاسقا دەيىنگىلەر اراسىندا ءوز-وزىنە قول جۇمساۋ وقيعالارى ازايىپ كەلەدى. ياعني 2015-جىلداعى 970 تەن 2017-جىلى 818 گە دەيىن تومەندەدى. دەگەنمەن دە بۇل كورسەتكىش ءالى دە جوعارى»، - دەدى ۆەدومستۆو باسشىسى.

مينيستر بۇگىندە جاستار مەن ولاردىڭ مۇددەلەرىنە مەملەكەت ساياساتىندا ەرەكشە كوڭىل ءبولىنىپ تۇرعانىن اتاپ ءوتتى. ەلىمىزدە جاستار جانە وتباسى ىستەرى جونىندەگى كوميتەتى جۇمىس ىستەپ جاتىر، سونداي-اق بارلىق وڭىرلەردە وكىلەتتى مەمورگاندار جاساقتالعان.

ەكى كۇنگە جالعاساتىن حالىقارالىق كونفەرەنتسيا بارىسىندا جاستاردى قولداۋعا ارنالعان ۇسىنىستار ازىرلەنەدى. شاراعا 35 ەلدەن جۇزدەن استام شەتەلدىك مەيمان قاتىسۋدا. قازاقستان تاراپىنان پارلامەنت ءماجىلىسىنىڭ دەپۋتاتتارى، ورتالىق اتقارۋشى ورگانداردىڭ باسشىلارى، ساراپشىلار مەن جاستار ۇيىمدارىنىڭ وكىلدەرى اتسالىسىپ جاتىر.

بۇدان بۇرىن حابارلانعانداي، ءماجىلىس ءتوراعاسى نۇرلان نىعماتۋلين ەلباسى جولداۋى اياسىندا جاستاردىڭ ءرولىن ارتتىرۋعا جاڭا سەرپىن بەرىلەتىنىن اتاپ ءوتتى.

ايتا كەتەيىك، ەلباسى بيىلعى جولداۋىندا 2019-جىلدى جاستار جىلى دەپ جاريالادى.

سوڭعى جاڭالىقتار