اۋرۋدىڭ 5 ءتۇرى

استانا. قازاقپارات - ءبىزدىڭ اعزامىز ءتۇرلى قاۋىپ-قاتەردى اۋرۋدىڭ ءتۇرى ارقىلى دا ءبىلدىرىپ وتىرادى.

دارىگەرگە دەر كەزىندە كورىنۋ ءۇشىن، قاۋىپتى دابىلداردى قالاي ءبىلۋ كەرەك؟

1. جاقتاعى اۋىرسىنۋلار

جاقتىڭ تۇسىنداعى اۋىرسىنۋلار كوبىنە كوپ ءتىستىڭ اۋىرۋىمەن بايلانىستى بولىپ كەلەدى. كەيدە قۇلاقتىڭ اۋرۋى دا وسى جاق اۋىرسىنۋى ارقىلى كورىنەدى. الايدا ەشكىم دە جاقتىڭ اۋرۋىن جۇرەكپەن بايلانىستىرا المايدى. دەسەك تە، سول جاق استىڭعى جاقتاعى اۋىرسىنۋلار ءدال سول ينفاركتىڭ الدىنداعى جاعدايدان حابار بەرەتىنى اقيقات.

تاڭەرتەڭگى ۋاقىتتا جاقتاعى اۋىرسىنۋلاردى بايقاساڭىز، مىندەتتى تۇردە دارىگەرگە كورىنگەن ابزال، بۇل جۇرەكتىڭ جۇمىسىنىڭ ناشارلاۋىنان حابار بەرەدى. ەگەر سول جاق جاقتىڭ استىڭعى بولىگىندەگى اۋىرسىنۋلار قوسىمشا باس اينالۋ، دەم جەتپەۋ، سول جاق جاۋىرىنداعى شانشۋ، نە سول جاق كەۋدە تۇسىنىڭ اۋرۋى ارقىلى بىلىنسە، بۇل ميوكارد ينفاركتىسىنىڭ باستالۋىنان حابار بەرەدى.

2. اياقتىڭ اۋرۋى

اياقتىڭ اۋرۋى كوپ جاعدايدا شارشاعاندىقتان، اۋىر نارسە كوتەرگەننەن نەمەسە اۋىر جۇمىس جاساعاننان بولۋى مۇمكىن. ەگەر ادامدا كوك تامىرلاردىڭ سوزىلىڭقىلىعى بايقالسا، مۇنى سونىمەن دە بايلانىستىرعان ورىندى.

الايدا اياقتاعى اۋىرسىنۋ كەيدە ءتىپتى باسقا جاعدايدان سىر بەرۋى مۇمكىن، ياعني بۇل استىڭعى بولىكتەگى كۇرە تامىرلاردىڭ ترومبوزى دەپ اتالادى. ترومب كەز كەلگەن ۋاقىتتا جۇرەككە نە وكپەگە كەتەتىن قان تامىر كەڭىستىگىن بىتەپ قالىپ، ناتيجەسى ولىمگە اكەپ سوعۋى مۇمكىن.

3. وڭ جاق قابىرعا استىنداعى اۋىرسىنۋلار

وڭ جاق قابىرعا استىنداعى اۋىرسىنۋلار بولعان جاعدايدا، وعان ءمان بەرگەن دۇرىس. بۇل ءوت قابىنىڭ اسقىنعانىن بىلدىرەدى. بۇل كۇردەلى اسقىنۋلارعا الىپ كەلۋى مۇمكىن. مۇنداي اۋىرسىنۋلار ۇزاق ءارى قاتتى بولادى. ءتىپتى كەيدە ارقاعا دا بەرىلەدى. ەگەر اۋىرسىنۋ مايلى تاماقتان كەيىن بىردەن پايدا بولسا، بۇل حولەتسيستيت بەلگىسى ەكەنى انىق.

4. بەلدىڭ اۋرۋى

اۋىر دەنە جاتتىعۋلارىنان دەنەڭىزدى زاقىمداپ الماعان بولساڭىز، ءسىزدىڭ بەلىڭىزدىڭ اۋرۋى بۇيرەكتىڭ قابىنۋى - پيەلونەفريتكە اكەلەتىن باكتەريالدى ينفەكتسيانىڭ اسەرىنەن بولۋى مۇمكىن.

5. ەتەككىر كەزىندەگى ءىشتىڭ اۋرۋى

ەتەككىر كەزىندەگى ءىشتىڭ قاتتى اۋىرۋى ەندومەتريوز سەكىلدى اۋرۋدان حابار بەرەدى. بۇل اۋىرسىنۋلار كەزىندە جاتىردىڭ سىرتقى ءۇلبىرى اعزاعا تارالىپ، جاتىر بولىگىندەگى تۇتىكشەلەردىڭ بىتەلۋىنە اكەپ سوقتىراتىن كەدەرگىلەر پايدا بولۋى مۇمكىن. بۇل كەيىننەن ايەل ادامنىڭ بەدەۋلىگىنە اكەلۋى ىقتيمال.

كەز كەلگەن اۋىرسىنۋ ءسىزدى دۇرلىكتىرۋى ءتيىس. وسىلايشا ءبىزدىڭ دەنەمىز اعزانىڭ كەيبىر قىزمەتىنىڭ بۇزىلعانىن ءبىلدىرىپ وتىرادى. ەگەر اۋىرسىنۋ ءجيى مازالاسا، دارىگەرگە بارۋدى سوزۋدىڭ قاجەتى شامالى.

 

دەرەككوزى: ​orthodox.od.ua