08:09, 19 - قىركۇيەك 2018 | GMT +6
ەۋروپانىڭ 5 دۇركىن چەمپيونى ءولى كۇيىندە تابىلدى
استانا. قازاقپارات - كيكبوكسينگتەن بەس دۇركىن ەۋروپا چەمپيونى ديانا كاراتەيەۆا اباكان قالاسىنداعى (ر ف) ءوز ۇيىندە ءولى كۇيىندە تابىلدى، دەپ حابارلايدى قازاقپارات حاكاسيا سپورت مينيسترىگىنىڭ باسپا ءسوز قىزمەتىنە سىلتەمە جاساپ.
«ديانا كاراتەيەۆانىڭ جانسىز دەنەسىن ۇيىنە كەلگەن دوستارى كورىپ، شۇعىل رەانيماتسيالىق بريگادانى شاقىرعان»، - دەپ ءمالىم ەتتى باسپا ءسوز قىزمەتى.
الدىن الا بولجام بويىنشا، 23 جاستاعى سپورتشى قىزعا ءيىس ءتيىپ ۋلانعان. ازىرشە بۇل وقيعانىڭ وزگە ەگجەي-تەگجەيى ايتىلماي وتىر.