مەرۋەرت تۇسىپبايەۆا: ءمادينا، قانداس باۋىرلارىمىز بولماسا، موڭعولدارعا سەنىڭ ءانىڭ 5 تيىنعا كەرەك ەمەس

None
None
  استانا. قازاقپارات - مەرۋەرت تۇسىپبايەۆا ءمادينانىڭ موڭعولدار تۋرالى ايتقان پىكىرىنە سىن ايتتى. ءمادينا بۇعان دەيىن بەرگەن سۇحباتىندا موڭعولداردىڭ ەرەكشە مەيىرىمدى، جومارت حالىق ەكەنىن ايتقان ەدى.

«ءمادينانىڭ موڭعوليادا وتكەن كونسەرتى تۋرالى ايتا كەتكەندە موڭعولداردى اسپانداتا ماقتاپ، سول جاقتا تۇراتىن قانداس باۋىرلارىمىز تۋرالى، مەنسىنبەي تۇرتە سالعانى جانىما باتتى. سول جەردى ارنايى قايتا قايىرا قارادىم. ءمادينا!!! قازاق دياسپوراسىنىڭ شاقىرۋىمەن تاۋەلسىزدىكتىڭ 20 جىلدىعىنا وراي مەن دە بولعانمىن موڭعوليادا... سەن اسىرا ماقتاعان موڭعولداردىڭ ورتاسىندا 39 پايىزعا جاقىن قانداس باۋىرلارىمىز تۇرادى. ولار بولماسا، سەن سالعان قازاقشا ءانىڭ موڭعولدارعا بەس تيىنعا كەرەك ەمەس. ءبىزدىڭ كونسەرتتەرگە ءبىر موڭعول ۇلتى كەلسە - ول سول جەردە عاسىرلار بويى قونىستانعان تارىداي شاشىلۋعا تاعدىر ماجبۇرگەن سورلى قازاقتىڭ ارقاسىندا. ورىسشا جاقسى تۇسىنگەندىكتەن، ءسوزىڭدى ابدەن تىڭدادىم... موڭعولياداعى گاسترول تۋرالى ايتقانىڭ ويلانتتى مەنى. سەنى اپارعان ۇشقىن - سول جاقتا تۋىپ وسكەن قازاق ەمەس پە؟!»، - دەپ جازادى مەرۋەرت تۇسىپبايەۆا.

ءانشى شەتەل قازاقتارىن ەرەكشە قۇرمەتتەيتىنىن ايتا كەلە، جۇرگىزۋشى تيمۋر بالىمبەتوۆتىڭ ورىس تىلىندە سۇحبات العانىن سىناپ ءوتتى.

 «ءوز باسىم - شەتەلدەگى قازاقتارعا قۇرمەتىم جوعارى. قىزىلوردادا تۋىپ ءوسىپ، ورىسشا سۇحبات الىپ وتىرعان تيمۋردان، جىراقتا ءجۇرىپ ءتىلىن ساقتاپ قالعان سولار ارتىق ماعان»، - دەپ جازدى تۇسىپبايەۆا جەلىدە.

 ءانشى ءمادينانىڭ جانارمەن سالىستىرۋعا كەلمەيتىنىن، ەكەۋى جەر مەن كوكتەي ەكەنىن ايتىپ پىكىر ءبىلدىردى.

ايتا كەتەيىك، بۇعان دەيىن ءمادينا ءسادۋاقاسوۆا تيمۋر بالىمبەتوۆتىڭ باعدارلاماسىنا سۇحبات بەرگەن ەدى. ءمادينا ءسادۋاقاسوۆا جۇرگىزۋشىنىڭ وتىنىشىمەن سۇحباتتى باستان- اياق ورىس تىلىندە بەردى.

سوڭعى جاڭالىقتار