استانانىڭ 5 مەكتەبى بيىل لاتىن الىپبيىنە كوشەدى
ەلوردانىڭ ءبىلىم بەرۋ سالاسىنداعى جاڭاشىلدىق تۋرالى استانا قالاسىنىڭ ءبىلىم باسقارماسىنىڭ باسشىسى ءانۋار جانعوزين ءداستۇرلى تامىز كەڭەسىندە مالىمدەدى.
ونىڭ ايتۋىنشا، استانادا جاڭاشىل سىنىپتاردى اشۋ كوزدەلىپ وتىر. جوبا مەملەكەتتىك ءتىلدى دامىتۋعا باعىتتالعان. نەگىزگى يدەياسى ورىس تىلىندە ءبىلىم الاتىن سىنىپتاردى كەزەڭ-كەزەڭمەن مەملەكەتتىك تىلدەگى سىنىپتارعا اينالدىرۋ.
مۇنداي جاڭا وقۋ جاڭاشىل سىنىپتار استانا اكىمىنىڭ تاپسىرماسىنىڭ نەگىزىندە 60№ مەكتەپ-ليتسەيى نەگىزىندە اشىلادى. سونداي-اق قىزدارعا ارنالعان «ءبىلىم يننوۆاتسيا» ليتسەيىندە ەنگىزىلەتىن بولادى.
«جالپى، استانا قالاسى ءبىرىنشى بولىپ بارلىق پيلوتتىق جوبالارعا قاتىسادى. ءبىزدىڭ ۇستازدار ءاربىر وزگەرىستەر مەن جاڭاشىلدىققا تەز بەيىمدەلەدى. وسى جىلى ەلوردالىق ءبىلىم وردالارىندا جۇزەگە اسىرىلاتىن بىرنەشە پيلوتتىق جوبالار بار. مىسالى، ەلەكتروندىق وقۋلىقتاردى پايدالانۋ ەكى مەكتەپكە ەنگىزىلەدى. استانانىڭ 5 مەكتەبى مەن 3 كوللەدجى پيلوتتىق رەجىمدە لاتىن الىپبيىنە كوشىرىلەدى»، - دەدى ول.