قازاقستاندىق 5 بوكسشى «التىن قولعاپ» يەگەرى اتاندى

استانا. قازاقپارات - سەربيانىڭ سۋبوتيتسا قالاسىندا وتكەن «التىن قولعاپ» حالىقارالىق تۋرنيرىندە قازاقستان جاستار قۇراماسىنىڭ بوكسشىلارى 5 التىن، 1 كۇمىس، 1 قولا مەدال جەڭىپ الدى، دەپ حابارلايدى قازاقپارات ءتىلشىسى.

ق ر بوكس فەدەراتسياسىنىڭ باسپا ءسوز قىزمەتى ءمالىم ەتكەندەي، جاستار اراسىنداعى حالىقارالىق تۋرنيرگە قازاقستان بوكسشىلارىن قوسا العاندا الەمنىڭ 23 مەملەكەتىنىڭ سپورتشىلارى باق سىناعان. جارىس 10 سالماق دارەجەسىندە ءوتتى.

 قازاقستاندىق بالعىن بىلعارى قولعاپ شەبەرلەرى ون سالماقتىڭ بەسەۋىندە توپ جارىپ، «التىن قولعاپ» تۋرنيرىنىڭ چەمپيونى اتاندى. ولار - تالعات سىرىمبەتوۆ (52 كەلى)، ارنۇر احمەتجانوۆ (91 كەلى)، نادەجدا ريابەتس (75 كەلى)، گۇزال سادىقوۆا (81 كەلى)، دينا يسلامبەكوۆا (81+ كەلى). ال ازات اسانوۆ (69 كەلى) كۇمىس جۇلدەنى قانجىعاسىنا بايلاسا، ەركەجان داۋلەتجان قىزى قولا جۇلدەگەر اتاندى.

اۆتور: كۇنسۇلتان وتارباي