08:40, 22 - مامىر 2018 | GMT +6
نوسەر جاۋىن 5 ادامنىڭ ءومىرىن قيدى
استانا. قازاقپارات - شري-لانكادا نوسەر جاۋىن 5 ادامنىڭ ءومىرىن قيىپ كەتتى، دەپ حابارلايدى قازاقپارات انادولى اگەنتتىگىنە سىلتەمە جاساپ.
شري-لانكادا نايزاعاي ۇرىپ، نوسەر جاۋىننىڭ سالدارىنان كوشكىن ءجۇرىپ، الدىن الا مالىمەتتەر بويىنشا، 5 ادام مەرت بولعان.
شري-لانكانىڭ تابيعي اپاتتاردى باسقارۋ ورتالىعى وكىلدەرىنىڭ حابارلاۋىنشا، كوشكىننىڭ سالدارىنان 2 ادام، نايزاعاي ۇرىپ 3 ادام مەرت بولدى.
ەلدە نوسەر جاۋىن 20 -مامىردان بەرى تولاستار ەمەس. قاۋىپسىز اۋداندارعا مىڭنان استام ادام كوشىرىلدى.
كوشكىن جۇرەتىنى تۋرالى 5 وكرۋگتە ەسكەرتۋ جاريالاندى.
مەتەورولوگيالىق باسقارما وكىلدەرى جەرگىلىكتى تۇرعىنداردى نايزاعايدىڭ سالدارىنان ساقتانۋعا شاقىردى.