قازاقستان پرەزيدەنتىنىڭ 5 مەگاترەندى الەم ەلدەرى ءۇشىن وزەكتى

استانا. قازاقپارات - ب ۇ ۇ دامۋ باعدارلاماسىنىڭ باس ستراتەگيالىق كەڭەسشىسى بەن سلەي ق ر پرەزيدەنتىنىڭ استانا ەكونوميكالىق فورۋمىنىڭ جالپى وتىرىسىندا جاريا ەتكەن 5 مەگاترەندىنە قاتىستى پىكىر ءبىلدىردى، دەپ حابارلايدى قازاقپارات ءتىلشىسى.    

«نۇرسۇلتان نازاربايەۆتىڭ استانا ەكونوميكالىق فورۋمىندا جاريا ەتكەن 5 مەگاترەندى قازاقستان، ا ق ش، قىتاي، رەسەي ءۇشىن، جالپى بارلىعى ءۇشىن وزەكتى. ويتكەنى ءدال سولار قازاقستانعا جانە الەمنىڭ وزگە ەلدەرىنە ىقپال ەتەدى. بۇل ءبىرشاما ايرىقشا سۇراق جانە وندا ۇكىمەتتىڭ دە، بيزنەستىڭ دە الدىندا تۇرعان مىندەتتەر قامتىلعان. بۇل ءبىز ءۇشىن دە ماڭىزعا يە. ءبىز دە الاڭداۋشىلىق تانىتامىز» ، - دەدى ول.

وسى رەتتە شەتەلدىك ساراپشى بۇگىندە قازاقستاننىڭ تابيعي رەسۋرستارعا تاۋەلدىلىكتەن ارىلىپ كەلە جاتقاندىعىن باسا ايتتى.

«پرەزيدەنت اتاپ وتكەندەي، ەڭ باستىسى مۇناي مەن گاز وندىرۋگە عانا ەمەس، سونىمەن بىرگە نەگىزىنەن ادامي كاپيتالعا ارقا سۇيەيتىن ەكونوميكالىق دامۋدىڭ جاڭا كەزەڭىنە ءوتۋ دەپ سانايمىن. جەردىڭ استىنداعى ەمەس، ادامنىڭ مۇمكىنشىلىكتەر قاتپارىنداعى ماڭىزدى. بۇل ءبىزدىڭ ەكونوميكامىزدىڭ جانە بۇكىل الەم ەكونوميكاسىنىڭ بولاشاعى. بۇل رەتتە ەكونوميكالىق جاڭعىرۋ ماسەلەسى ۇلكەن مانگە يە» ، - دەپ اتاپ ءوتتى ب. سلەي.

 وسى رەتتە بەن سلەي قازاقستان پرەزيدەنتىنىڭ 5 مەگاترەندىنىڭ ىشىنەن جاھاندىق ەڭبەك نارىعىنا ايرىقشا توقتالدى.

«ەڭ باستىسى - بۇل ءبىلىم مەن وقۋ. بۇل تەك جاستار ءۇشىن عانا ەمەس. اعىلشىن تىلىندە «life long learning»  دەگەن تۇسىنىك بار. ءتىپتى مەنىڭ جاسىمداعى ادامدار دا جاڭا بىلىكتىلىك الىپ، ماماندىعىن وزگەرتىپ، جاڭا بىلىمگە يە بولا الادى. مەنىڭشە، بۇل قازاقستان ءۇشىن دە، الەمنىڭ بارلىق ەلدەرى ءۇشىن دە بولاشاقتاعى باسەكەگە قابىلەتتىلىكتىڭ نەگىزى. بۇل مەگاترەندتەردىڭ ىشىندەگى ەڭ باستىسى دەپ ويلايمىن» ، - دەدى ول.