ەلىمىزدەگى شەتەلدىك ستۋدەنتتەردىڭ قاتارى 5 پايىزعا ارتادى

استانا. قازاقپارات - قازاقستان ورتالىق ازيا ەلدەرىنىڭ ءبىلىم بەرۋ حابىنا اينالۋى ءتيىس. بۇل - ەلباسىنىڭ ءبىلىم جانە عىلىم مينيسترلىگىنە بەرگەن تاپسىرماسى. قازىر ەلىمىزدىڭ جوعارى وقۋ ورىندارىندا 13 مىڭنان استام شەتەلدىك ستۋدەنت وقىپ جاتىر.

 قۇزىرلى ورگان 2020 -جىلى ولاردىڭ قاتارىن 5 پايىزعا ارتتىرۋدى كوزدەپ وتىر.

نازاربايەۆ ۋنيۆەرسيتەتى - حالىقارالىق دەڭگەيدەگى جوعارى وقۋ ورنى. مۇندا 4 مىڭنان استام ستۋدەنت ءبىلىم الادى. ونىڭ 25- ءى- شەتەلدىك. سولاردىڭ ءبىرى - تۇركيا ازاماتى، بولاشاق دارىگەر اينۇر ايدىن.

اينۇر ايدىن، ن. نازاربايەۆ ۋنيۆەرسيتەتىنىڭ ستۋدەنتى:

- حالىقارالىق بولعانى ءۇشىن وسى ۋنيۆەرسيتەتتى تاڭدادىم. ۋنيۆەرسيتەتتىڭ ءبىر ەرەكشەلىگى - جاڭا جۇيەنى ورناتىپ جاتىر. امەريكاداعى مەديتسينا ساپاسى الەمدەگى ەڭ جاقسى بولىپ سانالادى جانە ءبىزدىڭ ۋنيۆەرسيتەتتە دە سونداي ساپادا ءبىلىم بەرىلىپ جاتىر. جۇيەسى ءبىزدىڭ مەدەسينالىق ۋنيۆەرسيتەتتەن ەرەكشە. سەبەبى ءبىرىنشى 4 جىل ءبىز تەك قانا بيولوگيانى وقىپ جاتىرمىز.

ال مەكسيكالىق ساندار رەال: «قازاقستان - ورتالىق ازياداعى بەدەلدى ەلدەردىڭ ءبىرى، وسى جەردە ءبىلىم الۋ مەنىڭ ارمانىم بولاتىن»، - دەيدى. قازىر ماگيسترانت ەۋرازيا تاريحىن زەرتتەپ جاتىر.

ساندرا رەال، ن. نازاربايەۆ ۋنيۆەرسيتەتىنىڭ ستۋدەنتى:

- قازاقستان - وتە ادەمى ەل. مەنىڭ ماماندىعىم - حيميك، قازىر انتروپولوگيالىق جۇمىس ىستەيمىن.

نازاربايەۆ ۋنيۆەرسيتەتىندە ءتورت جۇزگە جۋىق بىلىكتى مامان ەڭبەك ەتەدى. ونىڭ تەڭ جارتىسى - شەتەلدەن كەلگەندەر. سوڭعى ەكى جىلدىڭ ىشىندە وقۋ ورداسىن 2 مىڭعا جۋىق تۇلەك ءبىتىرىپ شىقتى. ولاردىڭ اراسىندا ءبىلىمىن جەتىلدىرەمىن دەگەندەر ا ق ش، ۇلى بريتانيا سىندى ەلدەردىڭ وقۋ ورىندارىنا تۇسكەن.

قاديشا دايىروۆا، ن. نازاربايەۆ ۋنيۆەرسيتەتىنىڭ ستۋدەنتتەرمەن جۇمىس جانە حالىقارالىق ىنتىماقتاستىق بويىنشا ۆيتسە- پرەزيدەنتى:

- شەتەلدىك ستۋدەنتتەر بىزگە نە ءۇشىن كەرەك؟ ولار - ەلىمىزدىڭ كەلەشەك سەرىكتەستەرى مەن قولداۋشىلارى، دوستارى. سوندىقتان قازاقستاندا ءبىلىم الىپ، ءبىزدىڭ جاستارمەن ەتەنە ارالاسقاندارى ءجون.

بۇعان قوسا قازاقستان كومەككە مۇقتاج مەملەكەتتەردىڭ ازاماتتارىنىڭ دا ءبىلىم الۋىنا مۇمكىندىك جاساپ كەلەدى. ماسەلەن، اۋعانستاندىق جاستاردىڭ تەگىن وقۋىنا ەلىمىز ارنايى گرانت بولگەن. قوس مەملەكەت اراسىندا كەلىسىم جاسالىپ، 2010-2014 -جىلدار ارالىعىندا قازاقستانعا كەلگەن مىڭ ستۋدەنتتىڭ 700- ءى جوعارى، 300- ءى كاسىپتىك- تەحنيكالىق كوللەدجدەردە وقىپ جاتىر. جالپى قازاق جەرىنە تابان تىرەگەن شەتەلدىك ستۋدەنتتەر ەلىمىزدىڭ 100-گە جۋىق جوعارى وقۋ ورنىندا زاڭگەر، ارحيتەكتور، قارجىگەر سەكىلدى كوپتەگەن ماماندىقتى يگەرەدى.

بانۋ ناربەكوۆا، ق ر ب ع م ج و و كەيىنگى جوعارى ءبىلىم دەپارتامەنتى ديرەكتورىنىڭ ورىنباسارى:

- ستۋدەنتتەر - كورشىلەس ورتالىق ازيا ەلدەرىنەن كەلگەن ستۋدەنتتەر. ولاردىڭ كوپشىلىگى مەملەكەتتىك كەلىسىمدەر اياسىندا كەلەدى. ءبىراق ول از عانا. قازىر قازاقستاندا 13 مىڭنان استام شەتەلدىك ستۋدەنت وقىپ جاتسا، ولاردىڭ دەنى - موڭعوليا، قىتاي، يران، ەگيپەت، ەۋروپا ەلدەرىنەن كەلگەندەر.

ءبىلىم مينيسترلىگى شەتەلدىك ستۋدەنتتەردى كوپتەپ تارتۋعا كوڭىل ءبولىپ وتىر. حالىقارالىق تاجىريبەگە زەر سالساق، كورشىلەس رەسەيگە جىلىنا 175 مىڭ شەتەلدىك كەلەدى ەكەن. ال فرانسيادا وزگە مەملەكەتتەردىڭ 320 مىڭ قىز- جىگىتى ءبىلىم الادى. ءبىزدىڭ ەل 2020 -جىلعا دەيىن شەتەلدىك ستۋدەنتتەردىڭ سانىن 5 پايىزعا دەيىن ارتتىرۋدى كوزدەپ وتىر.

اۆتورلارى: اسەل باسشىبەك، ەرزات زايىتحان

http://24.kz/kz