ايەلدەر مەن ەرلەر ميىنىڭ ايىرماشىلىعى: 5 قىزىقتى دەرەك
وندا ايەلدەر ميىنىڭ ەستە ساقتاۋ تۇرعىسىنان ەركەكتەردەن الدا ەكەنى جانە ايەل مەن ەر ميىنىڭ ءارتۇرلى قارتاياتىنى انىقتالعان.
وسى رەتتە ايەلدەر مەن ەر ادامدار ميىنىڭ بەس ايىرماشىلىعى تۋرالى باياندايمىز.
ايەلدەردىڭ ەستە ساقتاۋ قابىلەتى جوعارى.
Neurology جۋرنالىندا جاريالانعان زەرتتەۋ قورىتىندىسى بويىنشا، ايەلدەردىڭ ەستە ساقتاۋ قابىلەتى جوعارى ەكەندىگى ايتىلعان.
ايەلدەردىڭ اۋىزشا ەستە ساقتاۋ قابىلەتىنىڭ ارقاسىندا ۇزاق ۋاقىتقا سوزىلعان مي بەلسەندىلىگىنىڭ تومەندەۋىن قالپىنا كەلتىرۋگە بولادى. سول سەبەپتى التسگەيمەر اۋرۋىن(الجۋ) ايەلدەردە باستاپقى كەزەڭدە انىقتاۋ قيىنعا سوعادى.
ايەل ميى كوپ سىعىمدالادى.
عالىمدار 34-43 جاس ارالىعىنداعى ادامدار توبىمەن جۇمىس ىستەپ، زەرتتەۋ باسىندا ايەلدەر ميىنىڭ ەرلەرگە قاراعاندا كىشىرەيگەنىن انىقتاعان. بۇل زەرتتەۋدى ەگدە ادامدارعا جاساعاندا دا وسى ناتيجەنى كورسەتكەن.
ءبىراق ەركەكتەردىڭ ميى ءارتۇرلى اۋماعىنان سىعىمدالۋعا ۇشىرايدى.
راس، ايەلدەردە ميدىڭ باسىم بولىگى كىشىرەيىپ كەتەدى. الايدا ايىرماشىلىق سىعىمدالۋدىڭ ناقتى قاي جەردە بولاتىندىعىندا. ەرلەرلە بۇل پروتسەس ەموسينالدى، تانىمدىق جانە تۇلعالىق فۋنكسيانى اتقارىپ تۇراتىن ماڭداي مەن ساماي بولىكتەرىندە ورىن الادى ەكەن.
سىعىمدالۋ اۋماقتارى اۋرۋدىڭ پايدا بولۋىنا اسەر ەتەدى.
سىعىمدالۋ قاي جەردە بولماسىن باستالسا وندا ايەلدەردىڭ السگەيمەر، ال ەرلەردىڭ پاركينسون اۋرۋىنا(ءدىرىل، سونىمەن قاتار پسيحيكالىق بۇزۋلار) ۇشىراۋ ىقتيمالدىلىعى جوعارىلايدى.
ەستروگەن ايەلدەردى ەرلەرمەن تەڭەستىرەدى.
ەتەككىر ءۇزىلىسى كەزىندە ەستروگەن دەڭگەيىنىڭ كۇرت ءتۇسىپ كەتۋى ەستە ساقتاۋ قابىلەتىن جوعالتۋعا اكەپ سوعادى. «كوپ ايەلدەردىڭ بىزگە ايتۋى بويىنشا، ولار ەتەككىر ءۇزىلىسى كەزىندە وزدەرىن قۇددى تۇماندا جۇرگەندەي سەزىنەدى ەكەن»، - دەيدى عالىم دورەن رەنتتس.