+7 (701) 759 90 19
USD 431.07 EUR 485.51
RUB 5.69 CNY 67.47
جاڭالىقتار

سايىن مۇراتبەكتىڭ ۇزدىك 5 اڭگىمەسى

11 قازان 16:29
:ءبولىسۋ
سايىن مۇراتبەكتىڭ ۇزدىك 5 اڭگىمەسى

نۇر- سۇلتان. قازاقپارات - تانىمال ادەبيەتتانۋشى- عالىم، سىنشى باقىتجان مايتانوۆ: «سايىن مۇراتبەكوۆ شىعارماشىلىعىنداعى شىنايىلىعى، ومىرسۇيگىشتىك قۋاتى ارقىلى بۇل كوركەمدىك تەندەنتسيانىڭ قوعام تىنىسىن اسىرەسە جارقىن تۇستارىنان بارىنشا جان- جاقتى بەينەلەۋ تالاپتارىن جۇزەگە اسىرۋداعى ەلەۋلى ۇلەسىنە كۇمان تۋدىرمايدى.

ول رومان جازعان جوق. ونىڭ رومانى - اڭگىمەلەرى. ال اڭگىمەلەرى ماڭگىلىك داڭقتىڭ يەلىگىنە شاقىرۋ العان. قالامگەر باقىتى سونداي- اق بولسىن...»، - دەيدى.

ەندەشە، جازۋشىنىڭ ەڭ ۇزدىك اڭگىمەلەرىنىڭ بەستىگىن نازارلارىڭىزعا ۇسىنامىز.

«رايگۇل»

ستۋدەنت جىگىتتىڭ «قىزىل تۋ» اۋىلىنا جول تارتۋىنا سەبەپ بولعان ەكى حات بار. ولاردىڭ ءبىر- بىرىمەن قانداي بايلانىسى بار دەپ ويلايسىز؟ رايگۇل ەسىمدى ساۋىنشى قىز كىم؟ ول نەگە پروفەسسورعا حات جازىپ ءجۇر؟ شىعارمانى وقۋ بارىسىندا وسى ساۋالدارعا جاۋاپ الا الاسىز. وقۋعا جەڭىل، ءتىلى جاتىق اڭگىمە كوركەم ۋاقيعاسىمەن ءسىزدىڭ ساناڭىزدى بىردەن جاۋلاپ الادى. جارىلعاپ قارت پەن ۇلتۋعان شەشەيدىڭ بۇلا وسكەن ەركەتوتاي قىزىنىڭ مىنەزىنە ءسۇيسىنىپ، نازىك سەزىمىنەن ونەگە الاسىز. شاعىن شىعارما سىزگە ۇنايدى دەپ سەنىم بىلدىرەمىز!

«مەنىڭ قارىنداسىم»

ءوزىڭىز وقۋدا ءجۇرىپ، دەمالىستا ۇيگە ورالعانىڭىزدا كىشكەنتاي قارىنداسىڭىزدىڭ سونشالىقتى تەز ءوسىپ، وزگەرىپ كەتكەنى ءسىزدى قاتتى تاڭىرقاتتى ما؟ ەندەشە، بويجەتكەن قارىنداسىڭىزبەن قالاي ءتىل تابىسۋ كەرەكتىگى جونىندە اۆتوردىڭ «مەنىڭ قارىنداسىم» اڭگىمەسى سىزگە باعدارشام بولا الادى. شىعارمادا مەكتەپتىڭ سوڭعى سىنىبىندا وقيتىن ءاليمانىڭ وقۋعا قۇشتار، جاپ- جاقسى ەڭبەك ەتىپ، مول تابىس تاباتىن نۇرلانعا دەگەن ءتاتتى ماحابباتى سۋرەتتەلەدى. ەگەر، ميىڭىز دەمالاتىن شىعارما وقىعىڭىز كەلسە، ءدال وسى اڭگىمەنى وقۋعا كەڭەس بەرەمىز!

«ماحاببات»

ماحاببات دەگەن نە؟ اتا- بابالارىمىزدىڭ كەزىندە ماحاببات- ساحابباتسىز- اق ءۇرىم- بۇتاعى ءوسىپ- وركەندەدى ەمەس پە؟ سولاردىڭ «ءبىر- ءبىرىمىزدى سۇيەمىز- اۋ» دەپ ويلاۋلارىنا شامالارى كەلدى مە ەكەن؟ ال، قازىرگى جاستار شە؟ سولاردىڭ ايتىپ جۇرگەن ماحابباتى نە وسى؟ وسى سۇراقتاردىڭ جاۋابىن سايىن مۇراتبەكتىڭ «ماحاببات» دەپ اتالاتىن اڭگىمەسىنەن تابا الاسىز. شىعارمادا قاتال اكەنىڭ دەگەنىنە باعىنباعان قايسار ءاسيا ءوز ماحابباتى ءۇشىن قانداي قۇرباندىققا بارادى دەپ ويلايسىز؟ وقىڭىز! سايىن اتانىڭ ءوزى جاۋاپ بەرسىن!

«انانىڭ ارمانى»

اناڭىزدى دۇنيەدەگى ەڭ باقىتتى جان ساناعانىڭىزبەن، كوكىرەگىندە جاتقان ارمانى شەر بولىپ قاتىپ قالعانىن ويلامايسىز- اۋ، ءسىرا؟ ! ءسىز ءوز اناڭىزدىڭ جۇرەگىن ءبىر ءسات تىڭداپ كورىڭىزشى.. ول سىزگە ەڭ اسىل ارمانى جونىندە ايتىپ پا ەدى؟ جوق، ايتپايدى. «وزەكتى جانعا ءبىر ءولىم» دەمەكشى، انا دۇنيەدەن حابار كەلگەندە اناڭىز سىزگە شەرىن تارقاتار.. . اقتىق ساپار الدىندا ارماندا كەتسىن دەمەسەڭىز، انانىڭ ەڭ ۇلكەن ارمانى قانداي بولارىن الدىن- الا ءبىلىپ، كوزى تىرىسىندە ورىنداڭىز! ول ءۇشىن اۆتوردىڭ «انانىڭ ارمانى» اڭگىمەسىن وقىپ شىعىڭىز!

«جۋسان ءيىسى» (پوۆەست)

«ول ۇنەمى ەرتەگىسىن «باياعىدا ءبىر جەتىم بالا بولىپتى« دەپ باستاۋشى ەدى». ءسىز اتالعان شىعارمانى بالا كۇنىڭىزدە تالاي رەت وقىعان بولارسىز؟ ءار وقىعان سايىن تالاي رەت جىلاۋىڭىز دا عاجاپ ەمەس! ءسىز ايانمەن بىرگە ءتۇن ورتاسىندا سىرعاناقتا سيقىرلى قانات بىتكەن شاناسىن تەپكەن دە بولارسىز. مۇمكىن اياننىڭ قوڭىر سيىرىن باپاي شالدىڭ ۇيىنە قاراي ايداسقاندا ءبىر توپ بالانىڭ ىشىندە شۋىلداسىپ ءسىز دە ءجۇردىڭىز. جۋساننىڭ ءيىسى سىڭگەن اعاسىنىڭ پالتوسىن ءسىز دە يىسكەدىڭىز عوي، سولاي ما؟ جانە ەڭ باستىسى، جەتىم بالانىڭ عاجايىپ ەرتەگىلەرىن جانىندا وتىرىپ تىڭداعانىڭىزعا سەنىمدىمىز. ولاي بولسا، بالالىعىڭىزعا جارتى ساعاتقا ساياحاتتاپ كەلىڭىز. «جۋسان ءيىسىن» تاعى دا وقىڭىز!

massaget.kz



:ءبولىسۋ
سونداي-اق... وقىڭىز
پئكئر قالدئرؤ
+7
جئبةرؤ
ونلاين قىزمەتكەرلەر

مۇراعات