عالىمدار: ايەلدەر 5 جىلدان ارتىق سۇيە المايدى

نۇر-سۇلتان. قازاقپارات - ايەل زاتىنىڭ ماحابباتى ەر ازاماتتىڭ وعان دەگەن قارىم- قاتىناسىنا تاۋەلدى بولاتىنى ءمالىم.

الايدا سوعان قاراماستان، ولار ءوزىنىڭ جۇبىن 5 جىلدان ارتىق سۇيە المايدى ەكەن. بەلگيالىق عالىمدار ارنايى زەرتتەۋ جۇرگىزىپ، وسىنداي بايلامعا كەلدى.

بۇل تۋرالى nz1.ru جازعان.

عالىمدار ۇزاق ۋاقىت نەكەدە تۇرعان 1000 عا جۋىق ايەلدەن ساۋالناما الدى. ناتيجە بويىنشا، نەكەنىڭ العاشقى 5 جىلدىعىنداعى ايەلدەر عانا وزدەرىن باقىتتى ساناعان. العاشقى مەرزىمدە جۇبايلار اراسىندا ۇرىس- كەرىس اسا كوپ بولمايتىن كورىنەدى. تەك سودان كەيىن جاعداي كەرى وزگەرىپ، كوپتەگەن جۇبايلار اجىراسىپ جاتادى.

زەرتتەۋ قاتىسۋشىلارىنىڭ باسىم بولىگى بەس جىل نەكەدە تۇرعاننان كەيىن جۇبايلاردىڭ ءبىر- بىرىنە دەگەن قىزىعۋشىلىقتارى تومەندەي تۇسەتىنىن ايتقان. سونىڭ سالدارىنان ايەلدىڭ كۇيەۋىنە دەگەن سەزىمى سۋىپ، ءتىپتى مۇلدەم جوعالۋى مۇمكىن. سونىمەن قاتار، ساۋالناماعا قاتىسقان ايەلدەردىڭ %80 ى 5 جىلدان كەيىن جۇبىن اۋىستىرۋ جايىندا ويلاناتىنى، تەك 1/5 بولىگى عانا العاشقى جۇپتارىن ساقتاپ قالعىسى كەلەتىنى بەلگىلى بولدى.