ءوزىڭدى تارتىپكە كەلتىرۋدىڭ 5 ءتيىمدى ءادىسى
ولارسىز ءبىزدىڭ ءار تالپىنىسىمىز ەموتسيالار، جاعدايلار مەن وزگە ادامداردىڭ ىقپالىنا ۇرىنادى. بۇل جاعدايدان جالىقتىڭىز با؟ ۇسىنىپ وتىرعان كەڭەستەرىمىز ءوز-ءوزىڭىزدى باسقارۋعا كومەكتەسەدى.
جالعىز موتيۆاتسيامەن الىسقا بارا المايتىنىڭ تۇسىنىكتى. بىردەڭەنى باستاۋعا دەگەن قۇلشىنىستان وزگە، وسى باستامانى الىپ كەتۋ ءۇشىن ءتارتىپ كەرەك. تومەندە ءوزىڭدى 21 كۇننىڭ ىشىندە تارتىپكە كەلتىرۋدىڭ قاراپايىم، ءارى ءتيىمدى ادىستەرى ۇسىنىلعان.
ءوزىڭىزدى باقىلاڭىز
21 كۇن بويى ءوزىڭىزدى باقىلاڭىز: نە ىستەيسىز، قالاي تۇراسىز، قالاي سويلەيسىز، نەگە بوگەلەسىز، قالاي جۇرەسىز جانە قالاي كيىنەسىز. تولىقتاي ءوزىڭىزدى باقىلاڭىز. ەشتەڭەنى شۇقىلاماڭىز، ارقاڭىزدى تىك ۇستاڭىز، قولدارىڭىز بەن اياقتارىڭىزدى قاداعالاڭىز. بوساڭسي باستايتىن ساتتەرىڭىزدى بايقاڭىز. جالعىز بولعان كۇننىڭ وزىندە جيناقى ءجۇرىڭىز.
ۇيدە، جۇمىستا نەمەسە جاتتىعۋ زالىندا جۇرسەڭىز دە ءاردايىم ءوزىڭىزدى سەنىمدى ۇستاپ، پوزيتيۆ شاشىپ ءجۇرۋىڭىز كەرەك. ءتۇر- الپەتىڭىز دە 100 پايىزعا كۇتىلگەن بولعانى دۇرىس. ءوز ءستيلىڭىزدى قالىپتاستىرىپ، سونى ۇستانىڭىز.
ءوز سۇيكىمدىلىگىڭىز جايلى ويلاعان سايىن، ول ەسەلەنە تۇسەدى. كۇندەلىكتى كامەرا الدىندا ءجۇرمىن دەپ ەسەپتەڭىز، سول سەبەپتى ەرتەڭگى كۇنى كورەرمەننەن ۇيات بولماس ءۇشىن ءاردايىم جارقىراپ ءجۇرۋىڭىز كەرەك.
ءوزىڭدى باقىلاۋدى ۇيرەنۋگە تەڭىز اسكەرىنىڭ تۇرىسى دەگەن كۇندەلىكتى جاسالىناتىن جاتتىعۋ كومەكتەسەدى. قابىرعاعا جاقىنداڭىز دا، وكشەڭىزدى، قۇيرىعىڭىزدى، جاۋىرىنىڭىزدى، جەلكەڭىز بەن شىنتاعىڭىزدى تيگىزىڭىز. وسىنداي پوزادا كۇندەلىكتى كەم دەگەندە 10 مينۋت تۇرۋ كەرەك. بىرنەشە كۇننەن كەيىن ارقاڭىز تۇزۋلەنە باستاعانىن بايقايسىز.
بۇل كىشىگىرىم جيىنتىق ءوزىندى تارتىپكە كەلتىرۋگە ۇيرەتەدى، وسىلايشا ءسىز ءوز ارەكەتتەرىڭىزدى باقىلاۋدى ۇيرەنەسىز. ەسىڭىزدە بولسىن، مۇنى ءسىز ءوزىڭىز ءۇشىن جاسايسىز، بىرەۋلەر ءۇشىن ەمەس.
تاڭەرتەڭگىلىك سالت جورا ويلاپ تابىڭىز
ءبىزدىڭ ونىمدىلىگىمىز بەن جيناقىلىعىمىز تاڭەرتەڭ قالاي تۇرعانىمىزعا بايلانىستى. ساعات سەگىزدە وياتقىشتىڭ دىبىسىنان كەيىن ارەڭ تۇرىپ، كۇن سوڭىندا تەزىرەك توسەككە ورالۋدى ويلاپ تۇرۋعا بولادى. ءدال ۇيدەن شىعار الدىندا تۇرىپ، اپىل- عۇپىل جينالىپ، بۋتەربرودتى سومكەگە تىعا سالىپ، اينالادا جانە باسىڭدا نە بولىپ جاتقانىن تۇسىنبەي دالاعا اتىپ شىعۋعا بولادى. ءبىراق ەڭ دۇرىسى ءوزىڭدى ويانۋعا الدىن الا دايىنداۋ، ءوز بيوريتمىڭدى سەزىپ، جاڭا كۇننىڭ دەمىن سەزىنۋ. ءسىزدى جاڭا كۇنگە بەيىمدەيتىن تاڭەرتەڭگىلىك سالت جوراڭىز بولسىن.
مىنە قاراپايىم نۇسقا: وياتقىشتىڭ ءبىرىنشى دىبىسىنان ويانۋ، ازداعان فيزيكالىق جاتتىعۋ، ىستىق- سالقىن دۋش، پايدالى تاڭعى اس، وقۋ. مۇنىڭ ءبارىن ءسىز شامامەن ءبىر ساعاتتا جاسايسىز. وسىنى ادەتكە اينالدىرۋ ءۇشىن سىزگە 21 كۇن جەتكىلىكتى.
قانداي سالت جورا ويلاپ تاباتىنىڭىز ماڭىزدى ەمەس. ەڭ باستىسى، ءسىز ودان دەمالىس جانە مەيرام كۇندەرى دە باس تارتپاۋىڭىز كەرەك.
ۋاقىتىڭىزدى تيىمدىرەك جۇمساپ، جيناقى، ءتارتىپتى بولا باستاعانىڭىزدى ءوزىڭىز بايقاماي قالاسىز. ۋاقىت وتە كەلە تاڭعى جۇمىستاردى اۆتوماتتى تۇردە جاسايسىز، ولار ءومىرىڭىزدىڭ ءبىر بولىگىنە اينالادى.
جانە دە ۇيقى جايلى ۇمىتپاڭىز. ۇيقىڭىز قانۋ ءۇشىن 7-8 ساعات ۇيىقتاۋ كەرەك.
تاقۋا بولىڭىز
ەڭ الدىمەن 21 كۇنىڭ ىشىندە نەدەن ارىلاتىنىڭىزدى ناقتىلاپ الۋ كەرەك. مىسالى سۇيىكتى تاعامىڭىزدى تىم قۇرىعاندا ءبىر اپتا جەمەڭىز، ەڭ دۇرىسى ءۇش اپتا بويى. جاقسى جاتتىعۋ - ءتاتتىنى كورىنەتىن جەرگە قويىپ، كۇنى بويى وعان قول تيگىزبەۋ.
سونىمەن قاتار، فيلمدەر، الەۋمەتتىك جەلىلەر، تەمەكى، اڭگىمەلەر مەن ويىنداردى (ت. ب) دا توقتاتۋعا بولادى. ەڭ باستىسى - وزىڭە جوق دەپ ايتۋدى ۇيرەنۋ.
ادام ءوز- ءوزىن باسقارۋىن ۇيرەنۋى كەرەك، كەرى جاعدايدا ونى قورشاعان جاعدايلار باسقاراتىن بولادى. ەموتسيالارعا بەرىلمەي، العا قويعان ماقساتتان تايماۋ كەرەك.
ءبىراق ەڭ قيىن سىناق - ءۇش اپتا الەۋمەتتەن وقشاۋلانۋ: ادامدارمەن جۇمىس بابىمەن عانا سويلەسۋ نەمەسە وتباسىلىق ورتادا عانا ءجۇرۋ. قوناققا، كينوعا، شارالارعا، دۇكەندەرگە بارماۋ. ءۇش اپتا بويى وزىڭىزبەن ءوزىڭىز بولىڭىز، مۇنىڭ ونىمدىلىگىڭىزگە قالاي اسەر ەتەتىنىن بايقايسىز.
الدىڭىزعا قيىن تاپسىرمالار قويىڭىز
ءبىر اپتادا وتە قيىن دەگەن تاپسىرمانى الىڭىز دا، سونى قالاي دا ورىنداۋعا تىرىسىڭىز. اۋا رايى، ءتۇرلى جاعدايلار، كوڭىل كۇي، ەشتەڭە ماڭىزدى ەمەس. كۇنىنە 50 رەت كەۋدەنى جەردەن كوتەرىپ جاتتىعۋ جاسايسىز با؟ 80, 90 عا ءوتىڭىز نەمەسە ءتىپتى 100 گە - شەكتەۋ جوق. ەكى كۇندە ءبىر ماقالا جازاسىز با؟ ەكەۋ جازىڭىز. كوپ اقشا جاراتاسىز با؟ بىرنەشە كۇن بويى مۇلدە اقشا قۇرتپاڭىز. قولىڭىزدان كەلە مە؟
ەگەر كۇشىڭىزدى ەسەپكە الماي، تاپسىرما تاڭداعان بولساڭىز، وندا سوعىستاعى بۇيرىقتاي قابىلداڭىز. ءسىز ونى مىندەتتى تۇردە ورىنداۋىڭىز كەرەك، باسقا جول جوق. ءبىر كۇندە ۇلگەرمەيسىز بە؟ قاجەتتىنىڭ بارلىعىن ىستەپ بىتپەيىنشە، باسقا ىستەردى قويا تۇرىڭىز.
بۇل تاپسىرما وتە قيىن، سەبەبى ءوزىڭدى ساتىپ كەتۋگە بولمايدى. وسىنى جاساپ بولعان سوڭ، كۇش قۋاتىڭىز ارتىپ، كوپ نارسەنى ىستەي الاتىنىڭىزدى ءبىلىپ بويىڭىزدى ماقتانىش بيلەيدى. سەبەبى بارلىق شەكتەۋلەر تەك ءوزىڭىزدىڭ قيالىڭىز ەكەنىن اڭعاراسىز.
ناتيجەگە دەن قويىڭىز
بۇل جاتتىعۋ الدىڭعى جاتتىعۋعا ۇقساس، ءبىراق مۇندا ءسىز ماقسات تاڭداپ، جوسپار قۇراسىز جانە ويلاعانىڭىزدى ىسكە اسىرۋعا قانشا ۋاقىت پەن رەسۋرس كەرەك ەكەنىن ەسەپتەيسىز.
21 كۇننىڭ ىشىندە بىردەڭەگە قول جەتكىزىپ كورىڭىز: تەمەكىنى تاستاڭىز، كىتاپتىڭ ءبىر تاراۋىن جازىڭىز، 3 كەلى سالماق تاستاڭىز، ۇلكەن جوبانى اياقتاڭىز... سول كەزدە ادامدار، جاعدايلار، كوڭىل كۇي، ويىن- ساۋىق، ينتەرنەت جانە تاعى باسقالار مەرزىمگە ساي اياقتاۋعا قانشالىقتى كەدەرگى كەلتىرەتىنىن بايقايسىز. ءبىراق كوڭىلىڭىز تۇسپەسىن.
بار نازارىڭىز العا قويعان ماقساتىڭىزدا بولسىن، جولدىڭ سوڭىندا سوعان جەتكەنىڭىزدى ەلەستەتىڭىز جانە ءسىزدى الاڭداتاتىن فاكتورلار جايلى ويلاماڭىز.
سمارتفون مەن كومپيۋتەرىڭىزدەگى ەسكەرتۋلەرگە ناتيجەگە قول جەتكىزۋ ءۇشىن نە ىستەۋ كەرەك ەكەنىن جازىپ، ءجيى ىسكە قوسىڭىز.
قولدا بار مۇمكىندىكتەرگە عانا سۇيەنىپ ارەكەت ەتۋگە بولمايدى: ولاي ەتسەڭىز، ءسىز دە اينالاداعى مىڭداعان ادامدار سياقتى جەتىستىككە ۇمتىلۋدى باستامايسىز جانە وزىڭىزگە دەگەن سەنىم دە پايدا بولمايدى. بولاشاققا قاراڭىز جانە ونى وزىڭىزگە تارتىڭىز.
ادەتتى قالىپتاستىرۋ ۋاقىت پەن جىگەردى تالاپ ەتەتىنىن ەستەن شىعارماڭىز، ەسەسىنە كەيىن ولار ءسىزدى كەز كەلگەن قيىندىققا قاراماستان ارماندارىڭىزعا جەتەلەيتىن بولادى.