قىتايمەن كەدەندىك شەكارادا ءتارتىپ ورناتۋ: بيۋدجەتكە 59,5 ميلليارد تەڭگە ءوندىرىلدى
22 قىركۇيەك 11:56

قىتايمەن كەدەندىك شەكارادا ءتارتىپ ورناتۋ: بيۋدجەتكە 59,5 ميلليارد تەڭگە ءوندىرىلدى

استانا. قازاقپارات - قىتايمەن كەدەندىك شەكارادا ءتارتىپ ورناتۋعا قاتىستى مەملەكەت باسشىسىنىڭ تاپسىرماسىن ورىنداۋ اياسىندا جۇرگىزىلگەن تەكسەرۋلەر ناتيجەسىندە بۇگىنگى تاڭدا 10 ۋاكىلەتتى ەكونوميكالىق وپەراتوردان بيۋدجەتكە 59,5 ميلليارد تەڭگە ءوندىرىلدى. بۇل تۋرالى ق ر ق م مەملەكەتتىك كىرىستەر كوميتەتىنىڭ باسپا ءسوز قىزمەتى حابارلادى.

2022 -جىلدىڭ اقپان- مامىر ايلارىندا مەملەكەتتىك كىرىستەر ورگاندارى 10 ۋاكىلەتتى ەكونوميكالىق وپەراتورعا قاتىستى جوسپاردان تىس كوشپەلى كەدەندىك تەكسەرۋلەر جۇرگىزگەن بولاتىن.

كەدەندىك تەكسەرۋ ناتيجەلەرى بويىنشا 107,7 ميلليارد تەڭگە مولشەرىندە كەدەندىك تولەمدەر، سالىقتار مەن ءوسىمپۇلدار قوسىمشا ەسەپتەلدى. ۋاكىلەتتى ەكونوميكالىق وپەراتور تاۋارلاردىڭ كەدەندىك قۇنىن دۇرىس تومەندەتىپ كورسەتۋ ارقىلى كەدەندىك تولەمدەر مەن سالىقتاردى تولەۋدەن جالتارماق بولعان.

انىقتالعان بۇزۋشىلىقتار فاكتىلەرى بويىنشا مەملەكەتتىك كىرىستەر ورگاندارى پروكۋراتۋرا جانە سىبايلاس جەمقورلىققا قارسى قىزمەت ورگاندارىمەن بىرلەسىپ مەملەكەت بيۋدجەتىنە 59,5 ميلليارد تەڭگە مولشەرىندە كەدەندىك تولەمدەر، سالىقتار مەن ءوسىمپۇلدار سوماسىن ءوندىرىپ الدى. ونىڭ ىشىندە، ەرىكتى تۇردە تولەنگەنى - 56,9 ميلليارد تەڭگە، ماجبۇرلەپ ءوندىرىپ الۋ شارالارىنىڭ ناتيجەسىندە وندىرىلگەنى - 2,5 ميلليارد تەڭگە.

قازىرگى ۋاقىتتا مەملەكەتتىك كىرىستەر ورگاندارى ۋاكىلەتتى ەكونوميكالىق وپەراتورلارعا جانە كەدەندىك تولەمدەر مەن سالىقتاردى تولەۋ بويىنشا ورتاق مىندەت اتقاراتىن كەدەن وكىلدەرىنە قاتىستى بەرەشەكتى ءوندىرىپ الۋ شارالارىن قابىلداۋ بويىنشا جۇمىستى جالعاستىرۋدا.

رەداكتور

ەربول جانات


جاڭالىقتار