قازاقستانعا كەلۋشىلەر سانى 58 پايىزعا ارتتى
بۇل جايىندا ۇلتتىق ستاتيستيكا بيۋروسىنان ءمالىم ەتتى، دەپ حابارلايدى قازاقپارات ءتىلشىسى.
«2022 -جىلعى قاڭتار- ماۋسىمدا قازاقستانعا كەلگەندەر سانى 2021 -جىلعى قاڭتار- ماۋسىممەن سالىستىرعاندا 58,6 پايىزعا ارتتى. قازاقستاننان كەتكەندەر سانى 13 پايىزعا ازايدى. ەلىمىزدەگى نەگىزگى كوشى- قون الماسۋى ت م د مەملەكەتتەرىمەن ورىن الۋدا. ت م د ەلدەرىنەن كەلگەندەردىڭ جانە سول ەلدەرگە كەتكەندەردىڭ ۇلەسى 84,5 جانە تيىسىنشە 83 پايىزدى قۇرادى. ەل ىشىندە قونىس اۋداراتىن كوشىپ-قونۋشىلار سانى 1,4 پايىزعا كەمىدى. ءوڭىرارالىق قونىس اۋدارۋ بويىنشا حالىق كوشى- قونىنىڭ وڭ ايىرىمى ەلىمىزدىڭ 3 وڭىرىندە بايقالدى: نۇر-سۇلتان (15753 ادام)، الماتى (17691 ادام) جانە شىمكەنت (1883 ادام)»، - دەپ اتاپ وتەدى بيۋرودان.
جەكە ەتنوستىق توپتار بويىنشا سىرتقى كوشى-قون قۇرىلىمىندا كەلگەندەردىڭ جالپى سانىنىڭ 50 پايىزىن قازاقتار، 17,9 پايىزىن ورىستار، 4,7 پايىزىن وزبەكتەر، 2 پايىزىن ۋكرايندىقتار، 1,4 پايىزىن تاتارلار، 1,2 پايىزىن نەمىستەر قۇرايدى. ال قازاقستاننان كەتكەندەردىڭ 5,8 پايىزى - قازاقتار، 65,8 پايىزى - ورىستار، 0,7 پايىزى - وزبەكتەر، 7,3 پايىزى - ۋكرايندىقتار، 2,6 پايىزى - تاتارلار، 10 پايىزى - نەمىستەر.