قىرعىزستاندا كوروناۆيرۋس جۇقتىرعاندار سانى 58 گە جەتتى
ۇكىمەت ۇيىندە وتكەن بريفينگتە قوعامدىق دەنساۋلىق ساقتاۋ باسقارماسىنىڭ باسشىسى اينۋرا اكماتوۆانىڭ مالىمەتىنشە، 27 - ناۋرىز ساعات 14:00-دەگى جاعداي بويىنشا 14 ادام كوروناۆيرۋس جۇقتىرعان. دجالال- اباد پەن وشتا 7 ادامنان. بارلىعى دجالال- اباد وبلىسىندا – 27، وش – 26، بىشكەك – 4، باتكەن وبلىسىندا - 1.
وزبەكستان دەنساۋلىق ساقتاۋ مينيسترلىگى كوروناۆيرۋس جۇقتىرعانى راستالعان ناۋقاس ينفاركتەن قايتىس بولعانىن مالىمدەدى، دەپ حابارلايدى قازاقپارات ءوزا اگەنتتىگىنە سىلتەمە جاساپ.
«بيىل 26 - ناۋرىزدا سوزىلمالى اۋرۋلارىمەن ديسپانسەردىڭ باقىلاۋىندا بولعان نامانگان قالاسىنىڭ 72 جاستاعى تۇرعىنى ر. وبلىستىق جۇقپالى اۋرۋلار اۋرۋحاناسىنا كوروناۆيرۋستىق ينفەكتسيا دياگنوزىمەن جاتقىزىلدى. سول كۇنى شامامەن 23:00 شاماسىندا، ارنايى زەرتحانالىق زەرتتەۋلەر ناتيجەسىندە ينفەكتسيا جۇقتىرعانى راستالعان»، - دەلىنگەن حابارلامادا.
ناۋقاسقا ۆيرۋس 12 ناۋرىزدا تۇركيالىق م. ەسىمدى قىزدان جۇققان، وعان دا وسى اۋرۋ دياگنوزى قويىلىپ، كارانتينگە جاتقىزىلعان. ناۋقاس كوپتەگەن جىلدار بويى ديابەتپەن، سوزىلمالى جەدەل جۇرەك جەتكىلىكسىزدىگىمەن جانە باسقا دا اۋرۋلاردان زارداپ شەككەن. ول بۇگىن تاڭەرتەڭ ساعات 4.30-دا وتكىر ميوكارد ينفاركىسىنەن قايتىس بولدى.