پۋتيننىڭ ۇشاعىمەن بىرگە سۋ-57 جويعىشتارى ىلەسىپ ۇشتى
پرەزيدەنت استراحان وبلىسىندا اسكەري-ونەركاسىپتىك كوميسسيانى دامىتۋ مەن اسكەري قۇرىلىس ماسەلەلەرى بويىنشا سەسسيا جينالىسىنا قاتىستى.
سونداي-اق ول ايماقتىڭ الەۋمەتتىك-ەكونوميكالىق دامۋىن تالقىلادى، - دەپ حابارلايدى ر ي ا نوۆوستي.
پرەزيدەنتتىڭ ۇشاعىمەن بىرگە التى سۋ-57 جويعىش ۇشاقتار توبى ىلەسىپ ءجۇردى. جاڭا جويعىشتار اۋەگە ۆ. پ. چكالوۆ اتىنداعى مەملەكەتتىك ۇشۋ-سىناق ورتالىعىنان كوتەرىلگەن.
پۋتين مەملەكەتتىك ۇشۋ-سىناق ورتالىعىن دا تەكسەردى.
پرەزيدەنتكە «كينجال» گيپەر داۋىستى ميگ-31ك جويعىش ۇشاعى تانىستىرىلدى. سونداي-اق ۇشقىشى جوق ۇشاقتار، راديولوكاتسيالىق جانە زەنيت-راكەتا س-350 «ۆيتياز»، «تور-م2» جانە «بۋك-م3» پەن قاتار «پانتسير» زەڭبىرەك-زىمىران كەشەندەرى كورسەتىلدى.
پرەزيدەنتتىڭ قاسىندا رەسەيدىڭ قورعانىس ءمينيسترى سەرگەي شويگۋ بولدى. وعان قوسا باس شتابتىڭ جەتەكشىسى ۆالەري گەراسيموۆ، ۆيتسە-پرەمەر يۋري بوريسوۆ، مينپرومتورگتىڭ باسشىسى دەنيس مانتۋروۆ جانە قورعانىس-ونەركاسىپ كەشەنىنىڭ وكىلدەرى بولدى.
جاڭا جيىنتىقتار كورسەتىلگەننەن كەيىن پۋتين سۋ-57 جويعىش ۇشقىشتارىمەن سويلەستى.
Kaz.tengrinews.kz