قازاقستان تۇراقتى دامۋ يندەكسى بويىنشا 57-ورىندا تۇر

استانا. قازاقپارات - قازاقستان 2018-جىلعى تۇراقتى دامۋ يندەكسى (Sustainable Economic Development Assessment, SEDA) بويىنشا، 152 مەملەكەتتىڭ ىشىندە 57-ورىنعا تۇراقتادى، دەپ حابارلايدى قازاقپارات.

بۇل باعىتتاعى زەرتتەۋ جۇمىستارىن جىل سايىن The Boston Consulting Group (BCG) كومپانياسى جۇرگىزەدى. رەيتينگتىڭ كوش باسىندا نورۆەگيا تۇر.

ودان كەيىنگى ورىندارعا شۆەيتساريا مەن يسلانديا تۇراقتاعان. رەيتينگتىڭ ۇزدىك وندىعىنا ليۋكسەمبۋرگ، دانيا، شۆەتسيا، سينگاپۋر، فينليانديا، اۆستريا، نيدەرلاندى سياقتى ەلدەر كىرگەن.

رەيتينگە قازاقستانمەن قاتارلاس تۇرعان مەملەكەتتەردىڭ ىشىندە ارگەنتينا (58- ورىن)، رەسەي (59- ورىن)، گرۋزيا (60- ورىن) بار. ودان جوعارىراق 52-جانە 51-ورىنداردا بەلارۋس پەن بولگاريا تۇر. رۋمىنيا 50- ورىندا.