تۇركيا سيريالىق 56 اسكەردى جويعانىن حابارلادى

None
None
نۇر-سۇلتان. قازاقپارات - انكارا سيريا كوشباسشىسى باشار اسادتىڭ سولتۇستىك- باتىسىنداعى ارمياسىنا ءالى سوققى بەرىپ جاتىر.

تۇرىك اسكەرى 28 - اقپاندا سيريانىڭ سولتۇستىك- باتىسىندا سيريا ۇكىمەتى ارمياسىنىڭ 56 جاۋىنگەرىنىڭ كوزىن جويدى. بۇل تۋرالى تۇركيا قورعانىس مينيسترلىگىنە سىلتەمە جاساپ انادولۋ اگەنتتىگى حابارلادى.

مينيسترلىكتىڭ مالىمەتىنە قاراعاندا، سيريانىڭ 8 تانكى، 4 بتر، 5 گاۋبيتس جانە ەكى زىمىراندىق قۇرىلعىلار جويىلعان.

سونداي- اق سيريانىڭ سوققىسىنان تۇرىكتىڭ ءبىر اسكەري قىزمەتكەرى قايتىس بولىپ، ەكى اسكەر قىزمەتكەر جاراقات العان.

ايتا كەتسەك، جۇماعا قاراعان ءتۇنى سيريانىڭ اۋە قارۋلى كۇشتەرى رەسەي اۆياتسياسىمەن بىرلەسە سيرياداعى تۇرىك ارمياسىنا شابۋىل جاسادى. سالدارىنان تۇركيانىڭ 30 دان استام اسكەري قىزمەتكەرى قازا تاپتى.

ر ف قورعانىس مينيسترلىگى شابۋىلعا رەسەيلىك قارۋلى كۇشتەردىڭ قاتىسى جوق، تۇركيا كونۆويىنا سيريالىق قارۋلى كۇشتەر شابۋىل جاسادى دەگەندى حابارلادى.

سوڭعى جاڭالىقتار