قازاقستاندا 56 نۇرسۇلتان نازاربايەۆ تۇرادى

نۇر-سۇلتان. قازاقپارات - بيىل قازاقستاندا تۇڭعىش پرەزيدەنت نۇرسۇلتان نازاربايەۆتىڭ ەسىمى 41 بالاعا قويىلعان.بۇل تۋرالى قازاقپارات ەلوردا ينفو سايتىنا سىلتەمە جاساپ حابارلايدى.

ق ر ۇ ە م ستاتيستيكا كوميتەتىنىڭ اقپاراتىنا سايكەس، قازاقستاندا ەلباسىنىڭ 18076 اتتاسى بار. ونىڭ 1617 سى نۇر-سۇلتاندا تۇرادى.

بەلگىلى بولعانداي، 2019 -جىلى 41 شاقالاققا نۇرسۇلتان ەسىمى بەرىلگەن. 2015 -جىلى بۇل ەسىممەن 205 ءبۇلدىرشىن اتالعان. ءبىراق سوڭعى بەس جىلدا تۇڭعىش پرەزيدەنتتىڭ اتتاستارى كۇرت ازايعان. بۇعان شاماسى ەلباسىنىڭ 2015 -جىلدىڭ 29 -ساۋىرىندەگى يناۋگراتسياسى سەبەپ بولعان كورىنەدى. 2016 -جىلى تۋعان بالالاردىڭ 136 سىنا عانا نۇرسۇلتان اتى قويىلعان. 2017 -جىلى – 104، 2018 -جىلى - 67. ال ەل استاناسىنىڭ اتاۋى وزگەرتىلگەلى بەرى نۇرسۇلتانداردىڭ قاتارى 28 ادامعا كوبەيگەن.

ءبىر قىزىعى، قازاقستاندا ەلباسىنىڭ ەسىمى قىزدارعا دا بەرىلگەن. رەسپۋبليكامىزدا بەس نۇرسۇلتان جانە ەكى نۇرسۇلتانا ەسىمدى قىز بالا بار.

ستاتيستيكالىق مالىمەتتەرگە سۇيەنەر بولساق، قازاقستاندا اتى-ءجونى نۇرسۇلتان نازاربايەۆ بولىپ جازىلعان 56 ادام تۇرادى.