+7 (701) 759 90 19
-21 °С : نۇر-سۇلتان
-9 °С : الماتى
USD 386.44 EUR 428.37
RUB 6.06 CNY 54.93
جاڭالىقتار

ارال تەڭىزىنىڭ قۇرعاعان جەرىنە 56 مىڭ گەكتاردان استام وسىمدىك ەگىلدى

19 قىركۇيەك 16:08
:ءبولىسۋ
ارال تەڭىزىنىڭ قۇرعاعان جەرىنە 56 مىڭ گەكتاردان استام وسىمدىك ەگىلدى

نۇر-سۇلتان. قازاقپارات - ارال تەڭىزىنىڭ قۇرعاعان تابانىن ورمانعا اينالدىرۋ - وتاندىق ەكولوگتاردىڭ باستى ماقساتتارىنىڭ ءبىرى.

ەل اۋماعىنداعى جاسىل- جەلەك قورىن ساقتاۋ جانە كولەمىن ۇلعايتۋدى كوزدەگەن جوبا اياسىندا تەڭىز ۇلتانىنا 156 مىڭ گەكتاردان استام شولگە ءتوزىمدى وسىمدىكتەر ەگىلدى. سورى شىعىپ، قۇمى ۇشقان جەردى قالاي كوگالداندىرۋعا بولادى؟

ارال تەڭىزىنىڭ ءولى تابانىنداعى تىرشىلىكتى ءتىرىلتۋ ماقساتىنداعى جۇمىستار 90-جىلداردان بەرى جالعاسىپ كەلەدى. ورمانشىلار سەكسەۋىلدى كوشەتتەپ تە، تۇقىم تۇرىندە دە ەگەدى. ءشولدى جەردە وسىمدىكتىڭ تەز كوكتەۋى ءۇشىن جەر دايىنداۋ جۇمىستارىنا ەرەكشە ءمان بەرىلەدى، دەيدى ماماندار.

بەكتەمىر ءجۇسىپوۆ، «ارال ورمان جانە جانۋارلار دۇنيەسىن قورعاۋ» م م ورمان شەبەرى:

- جىرتىپ ءبىر جىل بۇرىن دايىنداپ قويىپ سەبەبىمىز، جەردىڭ بەتىندەگى وسىمدىكتەر سول جىرتقان جەرىمىزگە تولۋ كەرەك. ەكى جىل بۇرىن دايىندايمىز. جىرتقان جەرىمىز شوپكە تولعاننان كەيىن، سونىڭ ءۇستىن قايتادان جىرتىپ، سەكسەۋىل كوشەتىن ەگەمىز.

بۇل يگىلىكتى ىسكە وڭتۇستىك كورەيا مەملەكەتى دە قول ۇشىن سوزدى. ولاردىڭ قارجىسى ەسەبىنەن قازاقستاننىڭ بيولوگيالىق الۋان تۇرلىلىگىن ساقتاۋ قورى ارقىلى وتكەن جىلدان باستاپ 10 مىڭ گەكتار اۋماققا سەكسەۋىل وتىرعىزۋ باستالدى.

سون يو- حۆان، كورەي ۋنيۆەرسيتەتىنىڭ پروفەسسورى:

- ءبىز ءالى دە ارال تەڭىزىنىڭ ميلليونداعان گەكتار قۇرعاعان تابانى بار ەكەنىن بىلەمىز جانە ءبىز وسى باعىتتا جۇمىس ىستەۋدى جالعاستىرۋىمىز كەرەك. ارال تەڭىزى پروبلەماسىن شەشۋ ءۇشىن تىعىز حالىقارالىق ىنتىماقتاستىق قاجەت. سەكسەۋىل القاپتارىن قوسا العاندا، ءارتۇرلى ەكولوگيالىق جانە الەۋمەتتىك- ەكونوميكالىق جوبالار قاجەت. مەن جاقىن بولاشاقتا ارال تەڭىزىنىڭ جاسىل- جەلەكتى اۋدانىن كورەمىن دەپ ۇمىتتەنەمىن.

نۇرلان جاقىپبەكوۆ، ءتىلشى:

- جىل سايىن ارال تەڭىزىنىڭ قۇرعاعان ۇلتانىنا 2,5 مىڭ گەكتار سەكسەۋىل ەگىلەدى. ونىڭ كوشەتتەرى مىنا ءتالىمباقتا دايىندالادى. مۇندا جاڭا تەحنولوگيانى پايدالانا وتىرىپ، ەكى گەكتار اۋماقتا 400 مىڭ ءتۇپ كوشەت وسىرىلەدى.

مامانداردىڭ ايتۋىنشا، سەكسەۋىلدىڭ ءوسۋى جوعارى كورسەتكىشكە جەتكەن. سوڭعى 25 جىلدا ارالدا 156 مىڭ گەكتار القاپقا سەكسەۋىل وتىرعىزىلعان.

www.24.kz


باستى سوزدەر: ايماق,
:ءبولىسۋ
پئكئر قالدئرؤ
+7
جئبةرؤ
ونلاين قىزمەتكەرلەر
رەداكتور
باقىتجول كاكەش
باقىتجول كاكەش
954-049
رەداكتور
ريزابەك نۇسىپبەك
ريزابەك نۇسىپبەك
954-049
رەداكتور
بەيسەن سۇلتان
بەيسەن سۇلتان
954-049

مۇراعات