الەمنىڭ 56 ەلىنەن كەلگەن ديماشتىڭ جانكۇيلەرى ماسكەۋگە جينالدى
ولار سۇيىكتى انشىلەرىن رەسەي استاناسىنىڭ باس ساحناسى سانالاتىن كرەمل سارايىنداعى جەكە كونسەرتى الدىندا قولداۋعا جينالدى، دەپ حابارلايدى قازاقپاراتتىڭ ارناۋلى ءتىلشىسى.
«pre-party» ينتەراكتيۆتى ويىندارى، جۇلدەلەرى، ءبيى مەن فلەشموبى جانە كاراوكەسى بارى قىزىقتى باعدارلاماسىمەن ەرەكشەلەندى. ديماشتىڭ جانكۇيەرلەرى سۇيىكتى انشىلەرىنە سىيلىقتارىن بەرىپ، بەينەۇندەۋلەرىن جازۋعا مۇمكىندىك الدى. قازاقستاندىق ءانشى شىعارماشىلىعىنا ىنتىماق جاندار ءۇشىن ەۋرازيالىق فان- كلۋبتىڭ TOP Dimash & Dears AWARDS اتالىمىمەن ماراپاتتاۋ شاراسى دا بولدى. ديماشتىڭ جانكۇيەرلەرى دە انشىگە جانە ونىڭ اتا- اناسىنا
(TOP Dimash & Dears Honored Family, TOP Dimash & Dears The One&Only) وزدەرىنىڭ ناگرادالارىن تابىستادى. ناۋرىز مەيرامىنا وراي قازاقستان تاراپى ارنايى جايعان داستارحاننان قوناقتار قازاقتىڭ ءداستۇرلى تاعامدارىنان ءدام تاتۋعا دا مۇمكىندىك الدى.
جالپى، كەش توسىنسىيلارعا تولى ءوتتى. مۇنداي توسىنسىيلاردىڭ ءبىرى ديماشتىڭ اناسى سۆەتلانا ايتبايەۆانىڭ «پودموسكوۆنىە ۆەچەرا» ءانىن ورىنداۋى ەدى. قازاقستاندىق ءانشىنىڭ ماسكەۋ تورىندەگى جەكە كونسەرتىنە قولداۋ كورسەتۋ ءۇشىن ارنايى كەلگەن «قازاقستان» ر ت ر ك باسقارماسىنىڭ ءتوراعاسى ەرلان قارين ديماشتىڭ 29 - ماۋىسىمدا استانا تورىندە وتەتىن كونسەرتىنە بيلەتتەر ويناتۋى دا كوپتەگەن توسىنسىيدىڭ بىرىنە اينالعانى انىق.
قوناقتار الدىندا ءسوز سويلەگەن ە. قارين ەلوردادا وتەتىن ديماش كونسەرتىن باس ۇيىمداستىرۋشى «قازاقستان» تەلەارناسى ەكەندىگىن ايتا كەلە ديماش جانكۇيلەرلەرىن استاناداعى فان- كەزدەسۋگە شاقىردى. «كەلەسى كەزدەسۋ 28 - ماۋسىمدا قازاقستاندا وتەدى. مىندەتتى تۇردە كەلىڭىزدەر»، - دەدى تەلەارنا باسشىسى.
شارا اياسىندا «قازاقپارات» تىلشىسىنە سۇحبات بەرگەن ە. قارين الداعى ۋاقىتتا استانادا وتەتىن ديماشتىڭ كونسەرتىنە دايىندىق جۇمىستارى قالاي جۇرگىزىلگەنىن ايتىپ بەردى.
«بۇل مۇنداي ۇلكەن شارانى ۇيىمداستىرۋمەن بايلانىستى ءبىزدىڭ تاجىريبەمىزدەگى سيرەك جاعدايدىڭ ءبىرى. سوندىقتان ءبىز جوبانى ديماشتىڭ كومانداسىمەن ەكى اي بويى تالقىلادىق. تالقىلاۋ وتكەن جىلدىڭ قاراشاسىندا باستالدى. تەحنيكالىق فورماتىن، تۇجىرىمداماسىن جانە ءتۇرلى ۇيىمداستىرۋ ماسەلەلەرىن تالقىلاپ، كەلىستىك. قاڭتار ايىنىڭ باسىندا كونتسەرتتىڭ وتەتىندىگىن رەسمي جاريالادىق»، - دەدى ە. قارين.
ونىڭ ايتۋىنشا، الداعى ۋاقىتتا وتەتىن كونتسەرتتىڭ بۇگە- شىگەسىنە دەيىن تىڭعىلىقتى ويلاستىرىلعان.
«بۇل كەزەڭدە كونسەرتتىك ۇيىمداستىرۋمەن تىكەلەي اينالىساتىن شىعارماشىلىق كوماندا انىقتالدى. سونىمەن قاتار تەحنيكالىق، ۇيىمداستىرۋ، دىبىس جانە حورەوگرافياسى سىندى بارلىق باعىتتار بويىنشا بىلىكتىلىگى جوعار كاسىبي مامانداردى شاقىردىق»، - دەدى ول.
تەلەارنا باسشىسىنىڭ ايتۋىنشا، استاناداعى كونتسەرتتە ءاربىر نومەر جاڭا سيفرلىق تەحنولوگيالاردى قولدانۋ ارقىلى كوركەم قويىلىمعا اينالادى. سونىمەن قاتار ول كونتسەرت بيلەتى قولجەتىمدى ەكەندىگىن دە اتاپ ءوتتى.
«بيلەت ساتۋ 18 - ناۋرىزدا باستالىپ، بۇگىنگى كۇنى شامامەن 50 پايىزى ساتىلىپ كەتتى. ءبىز ديماشتىڭ ميلليونداعان جانكۇيەرىمەن ۇنەمى بايلانىسىپ وتىرمىز. الداعى كونسەرتكە الەمنىڭ 90-نان استام ەلىنەن جانكۇيەرلەر كەلەتىندىگىن راستادى»، - دەدى ەرلان قارين.
ايتا كەتەيىك، بۇگىن ماسكەۋدىڭ كرەمل سارايىندا ديماشتىڭ جەكە كونسەرتى وتەدى.
مارلان جيەمباي