قازاقستاندا 563 ونلاين- دۇكەن سالىقتان بوساتىلۋى مۇمكىن

None
None
نۇر- سۇلتان. قازاقپارات – ەل تۇرعىندارى ينتەرنەت ساۋدادا گادجەت، تۇرمىستىق تەحنيكا، كيىم- كەشەك پەن وپا- دالاپقا كوپ اقشا جۇمسايدى، دەپ حابارلايدى «حابار 24».

ماسەلەن، ءبىر جىل ىشىندە ازاماتتار قىرىق جارىم ميلليوننان استام ءتۇرلى بۇيىمعا شامامەن 700 ميلليارد تەڭگە جۇمساعان.

وسى تۇستا وتاندىق تاۋارلاردىڭ حالىقارالىق ونىمدەرمەن باسەكەلەستىككە قابىلەتى قانداي؟ انىقتالعانداي، ازاماتتار حالىقارالىق ساۋدا الاڭدارىندا 280 ميلليارد تەڭگە جۇمساعان. ال وتاندىق نارىقتا - 422 ميلليارد تەڭگە. وسىلايشا ەل ىشىندە ونلاين- دۇكەندەردىڭ تۇتىنۋشىلارى ارتىپ كەلەدى.

جەرگىلىكتى ساۋدا جۇيەلەرى Alibaba, Amazon جانە Wildberries نارىقتارىنا شىققىسى كەلەدى. ءبىراق ول ءۇشىن نورماتيۆتىك بازا مەن مەملەكەت قولداۋى كەرەك دەيدى ساراپشىلار. ەلدەگى 500-دەن استام ونلاين- دۇكەندەر سالىقتان بوساتىلۋى مۇمكىن. ولار وسى جونىندەگى وتىنىمدەرىن مەملەكەتتىك كىرىستەر كوميتەتىنە جولدادى.

وسىنداي قولداۋ شاراسى ەلىمىزدە 2017 -جىلدان بەرى جۇمىس ىستەپ كەلەدى. الايدا بۇل جەڭىلدىكتى بارلىق ونلاين- دۇكەن الا المايدى. ويتكەنى ينتەرنەت ساۋدا جەلىلەرىنىڭ تاۋاردى جەتكىزۋ قىزمەتى نەمەسە لوگيستيكالىق كومپانيالارمەن كەلىسىمشارتى بولۋى كەرەك. نەگىزگى شارتتار وسىنداي. كاسىپكەرلەردىڭ ايتۋىنشا، جەڭىلدىككە يە بولۋداعى كەدەرگىلەردىڭ ءبىرى - ەلەكتروندىق تۇردە تاۋار اينالىمىنىڭ كولەمىن 95 پروتسەنتكە جەتكىزۋ تالابى. وسىعان بايلانىستى ونلاين- دۇكەن يەلەرى اتالعان تالاپتى 50 پروتسەنتكە دەيىن تومەندەتۋدى سۇراپ وتىر. ازىرشە تەك 19 ونلاين- دۇكەن سالىق جەڭىلدىگىنە يە بولدى.

www.24.kz

سوڭعى جاڭالىقتار