بيىل 560 مىڭ بالا سپورتتىق سەكسيالارمەن قامتىلادى
«بالالاردىڭ سپورتپەن، دەنە شىنىقتىرۋمەن تۇراقتى شۇعىلدانۋىنا ءجىتى نازار اۋدارىلادى. بۇقارالىق سپورتتى، ونىڭ ىشىندە سپورت سەكسيالارى مەن شىعارماشىلىق ۇيىرمەلەردى دامىتۋ اسا ماڭىزدى. مەملەكەت باسشىسىنىڭ تاپسىرماسىنا سايكەس بىلتىر مەملەكەتتىك تاپسىرىس اياسىندا 4 جاستان 17 جاسقا دەيىنگى 400 مىڭنان استام، ناقتىراق ايتساق 402 مىڭ بالا مەن جاسوسپىرىم شىعارماشىلىق ۇيىرمەلەر مەن سپورت سەكسيالارىنا قاتىسقان بولاتىن»، - دەدى ول مينيسترلىكتىڭ كەڭەيتىلگەن القا وتىرىسىندا.
ونىڭ اتاپ وتۋىنشە، بۇل جوبا بيىل ءوز جالعاسىن تاپپاق.
«ناقتى ايتقاندا، بالالاردىڭ الەۋەتىن ارتتىرۋ ماقساتىندا وڭىرلەردە 86,7 ميلليارد تەڭگە قاراجات ءبولىنىپ، ناتيجەسىندە 560 مىڭنان استام بالالار مەن جاسوسپىرىمدەر تەگىن سپورت سەكسياسىمەن نەمەسە شىعارماشىلىق ۇيىرمەمەن قامتاماسىز ەتىلەدى. ەندىگى كەزەكتە، وڭىرلەر پروتسەدۋرالىق ماسەلەلەردى جەدەلدەتىپ، تەز ارادا جۇمىسقا كىرىسۋ قاجەت. وسى ورايدا وبلىستىق سپورت باسقارماسىنىڭ باسشىلارىمەن بىرلەسىپ جۇمىس اتقارۋ، مەملەكەت باسشىسى تاپسىرماسىن ساپالى ورىنداۋ - ورتاق مىندەت دەپ بىلەمىن»، - دەدى اسحات ورالوۆ.
اۆتور
مارلان جيەمباي