+7 (701) 759 90 19
-7 °С : نۇر-سۇلتان
1 °С : الماتى
USD 375.87 EUR 406.24
RUB 5.84 CNY 53.45
جاڭالىقتار

تۇركىستان وبلىسىنان 560 وتباسى سولتۇستىك وڭىرلەرىنە قونىس اۋدارعان

23 قاڭتار 21:06
:ءبولىسۋ
تۇركىستان وبلىسىنان 560 وتباسى سولتۇستىك وڭىرلەرىنە قونىس اۋدارعان

تۇركىستان. قازاقپارات - تۇركىستان وبلىسىنان وتكەن جىلى «ەڭبەك» باعدارلاماسى بويىنشا 560 وتباسى سولتۇستىك وڭىرلەرىنە قونىس اۋدارعان. سالا ماماندارى بۇل جۇمىستاردىڭ بارلىعى وڭىردەگى ۇگىت- ناسيحات جانە ءتۇسىندىرۋ جۇمىستارىنىڭ ناتيجەسىندە جۇزەگە اسقانىن ايتادى، دەپ حابارلايدى قازاقپارات ءتىلشىسى.

وبلىستىق اكىمدىكتىڭ مالىمەتىنشە، 427 وتباسى كوشىرىلەدى دەپ جوسپارلانعان. الايدا بۇل كورسەتكىش ارتىعىمەن ورىندالدى. وبلىس اكىمدىگىنىڭ ۇيىمداستىرۋىمەن وسى باعدارلامانى ناسيحاتتاۋ بويىنشا ءوڭىردىڭ ب ا ق وكىلدەرى س ق و، قوستاناي جانە اقمولا وبلىستارىندا بولىپ قايتتى. سونىمەن بىرگە «Nur Otan» پارتياسىنىڭ تۇركىستان وبلىستىق فيليالى وبلىستاعى اۋدان، قالالاردا تۇرعىندارمەن كەزدەسىپ، تەرىسكەيگە قونىس اۋدارۋدىڭ شارتتارى مەن ءتيىمدى تۇستارىن ناسيحاتتاعان بولاتىن.

ەلىمىزدە بىرنەشە جىلدان بەرى جۇزەگە اسىپ كەلە جاتقان «ەڭبەك» باعدارلاماسىنىڭ ماقساتى - حالقى تىعىز ورنالاسقان وڭتۇستىكتەگى وبلىستاردىڭ تۇرعىندارىن جۇمىس كۇشى جەتىسپەيتىن سولتۇستىك وڭىرلەرگە قونىستاندىرۋ بولعان. وسى باعدارلاما قولعا الىنعان 2015 -جىلدان بەرى وڭتۇستىك وڭىرىنەن جالپى 4935 مۇشەسى بار 1365 وتباسى تەرىسكەيگە قونىس اۋدارعان. ماسەلەن، اعىمداعى جىلى تۇركىستان وبلىسىنان باعدارلاما بويىنشا 62 وتباسى (221 ادام) قوستاناي وبلىسىنا قونىستانسا، 115 وتباسى (230 ادام) شىعىس قازاقستان وبلىسىنا كوشكەن. 288 وتباسى (832 ادام) سولتۇستىك قازاقستان جانە 95 وتباسى (474 ادام) پاۆلودار وبلىستارىنا كوشىپ باردى. ق ر بويىنشا قونىس اۋدارعاندار اراسىنداعى تۇركىستان وبلىسىنىڭ ۇلەسى 28 پايىزدى قۇراپ وتىر. قونىس اۋدارعان 895 ەڭبەككە قابىلەتتى تۇرعىننىڭ 622- ءسى تۇراقتى جۇمىسپەن قامتىلسا، 47 ادام جەكە كاسىبىن اشقان. ءوز كاسىبىن اشامىن دەۋشىلەرگە ەگىن، مال شارۋاشىلىعىمەن شۇعىلدانۋعا جەر تەلىمدەرى، بوس تۇرعان عيماراتتار ۇسىنىلعان. باسپانا بويىنشا كومەك كورسەتىلگەن. سونداي- اق كوشىپ- قونۋعا بايلانىستى مەملەكەت تاراپىنان قارجىلاي كومەك بەرىلگەن.

جالپى بىلتىر سولتۇستىك وڭىرلەردەن 6 توپ، 96 جۇمىس بەرۋشى ارنايى كەلىپ، ءتۇسىندىرۋ جۇمىستارىن جۇرگىزدى. ال، وبلىس اكىمدىگى جانە وسى سالاعا جاۋاپتى باسقارما تاراپىنان دا ءتيىستى ءىس اتقارىلعان. جەتىساي اۋدانىندا «ءوڭىرارالىق بوس جۇمىس ورىندارى» جارمەڭەسى وتكىزىلدى. اتالعان جارمەڭكەگە 650-دەن استام تۇرعىن قاتىسىپ، ولارعا 3 مىڭنان استام بوس جۇمىس ورىندارى ۇسىنىلدى. سونىمەن قاتار دەمەۋشىلەر ەسەبىنەن 150-گە جۋىق ادام سولتۇستىك وڭىردەگى احۋالمەن تانىسىپ قايتقان بولاتىن.

«نۇر وتان» پارتياسى تۇركىستان وبلىستىق فيليالى ءتوراعاسىنىڭ ءبىرىنشى ورىنباسارى ب. تاجىبايەۆتىڭ ايتۋىنشا، «ەڭبەك» باعدارلاماسىنىڭ ستراتەگيالىق ماڭىزى جوعارى. الداعى ۋاقىتتا دا پارتيا فيليالى وبلىس اكىمدىگىمەن بىرلەسىپ، وسى باعدارلامانى ناسيحاتتاۋ جۇمىستارىن جالعاستىرماق. جاڭا مەكەنگە بارىپ، جاڭا ءومىر باستاۋعا، قازاقستاندى وركەندەتۋگە تۇركىستاندىق ءاربىر تۇرعىننىڭ مۇمكىندىگى بار ەكەنى ءجيى ايتىلىپ ءجۇر.

اۆتور: اينۇر اقبايەۆا



باستى سوزدەر: بيلئك جانة ساياسات,
:ءبولىسۋ
پئكئر قالدئرؤ
+7
جئبةرؤ
ونلاين قىزمەتكەرلەر
رەداكتور
باقىتجول كاكەش
باقىتجول كاكەش
954-049
رەداكتور
ريزابەك نۇسىپبەك
ريزابەك نۇسىپبەك
954-049
رەداكتور
بەيسەن سۇلتان
بەيسەن سۇلتان
954-049

مۇراعات