قازاقستان سپورتشىلارى 55 ەل قاتىسقان يسلاميادانى بەسىنشى ورىنمەن اياقتادى

نۇر-سۇلتان. قازاقپارات - تۇركيانىڭ كونيا قالاسىندا يسلام ىنتىماقتاستىعى ويىندارى مارەسىنە جەتتى، دەپ حابارلايدى قازاقپارات ءتىلشىسى.

بيىلعى دوداعا 55 ەلدەن سپورتشىلار كەلدى. ويىندار 8-تامىزدا باستالىپ، 18-تامىزدا اياقتالدى.

بەسىنشى مارتە جالاۋىن جەلبىرەتكەن ءدۇبىرلى دودادا قازاقستاندىق سپورتشىلار 89 مەدال ەنشىلەدى. ونىڭ ىشىندە 27 سى التىن، 23 ى كۇمىس، 39 ى قولا.

جالپى كوماندالىق ەسەپتە تۇركيا، وزبەكستان، يران جانە ازەربايجان قۇرامالارى العاشقى ءتورت ورىندى ءوزارا ءبولىستى.

يسلام ىنتىماقتاستىعى ويىندارى 2005 -جىلدان بەرى تۇراقتى وتكىزىلىپ كەلەدى. بيىل بەسىنشى مارتە جالاۋىن جەلبىرەتتى.

ايتا كەتسەك، جارىستىڭ سوڭعى كۇنىندە كيكبوكسينگتەن بەرىك ىسقاقوۆ (63,5 كەلى) «التىن» الدى.

وعان قوسا باتىرحان قۋاندىقوۆ (63,5 كەلى)، نۇرداۋلەت قالشورا (57 كەلى)، شارا حامزينا (60 كەلى) قولا جۇلدەگەر اتاندى.

ال كاراتە- دودان سوفيا بەزرۋلسەۆا چەمپيون اتاندى.