«شاڭىراق» باعدارلاماسى: الماتىدا 55 وتباسىعا پاتەر كىلتتەرى تابىستالدى

None
None
الماتى. قازاقپارات - الماتىدا «شاڭىراق» جوباسى بويىنشا 55 وتباسىعا پاتەر كىلتتەرى تابىس ەتىلدى، دەپ حابارلايدى قازاقپارات ءتىلشىسى.

«نۇرلى جەر» باعدارلاماسىنىڭ «شاڭىراق» پيلوتتىق جوباسىنا قاتىسۋشىلاردى نەسيەلەندىرۋ» باعىتى بويىنشا «وتباسى بانكى» ا ق Alma City 5 تۇرعىن ءۇي كەشەنىندەگى 440 پاتەرگە رەزەرۆ جاساعان. بۇل تۋرالى الماتى قالاسى تۇرعىن ءۇي ساياساتى باسقارماسىنىڭ باسشىسى دانيار قىرىقبايەۆ Instagram-پاراقشاسىندا جازدى.

«بۇگىنگى تاڭدا «وتباسى بانكى» ا ق- عا تولەم قابىلەتتىلىگىن راستاعان 389 ازاماتتىڭ ءتىزىمى بەرىلدى. ءبىز تۇرعىن ءۇيدى ساتىپ الۋ- ساتۋ شارتتارىن تىركەۋ جۇمىستارىن جۇرگىزدىك. تىركەۋشى ورگان مەن بانكتەن راستايتىن قۇجاتتاردى ۇسىنعان باعدارلاما قاتىسۋشىلارى سەنبى كۇنى ۇيلەرىنە كىردى. باعدارلاماعا اكىمدىكتە كەزەكتە تۇرعانداردىڭ بارلىعى قاتىسا الادى»، - دەدى ول.

تۇرعىن ءۇي نەسيەسى 18 ميلليون تەڭگەگە دەيىن جىلدىق 5 پايىزدىق مولشەرلەمەمەن بەرىلەدى. باستاپقى جارنا - 10 پايىز، نەسيە مەرزىمى - 20 -جىلعا دەيىن. ايتا كەتەيىك، الماتىدا كەزەكتە تۇرعان 2088 ادام «نۇرلى جەر» باعدارلاماسى بويىنشا باسپانامەن قامتىلعان، ونىڭ 1631 ءى پاتەرلەرىن بيىل الدى.


سوڭعى جاڭالىقتار