+7 (701) 759 90 19
3 °С : نۇر-سۇلتان
21 °С : الماتى
USD 423.91 EUR 497.37
RUB 5.82 CNY 65.59
جاڭالىقتار

تروللەيبۋس جۇرگىزەتىن 55 جاستاعى الماتىلىق قازنەتتى تاڭعالدىردى

29 شىلدە 11:10
:ءبولىسۋ
تروللەيبۋس جۇرگىزەتىن 55 جاستاعى الماتىلىق قازنەتتى تاڭعالدىردى

نۇر-سۇلتان. قازاقپارات - الماتىلىق تروللەيبۋس جۇرگىزۋشىسى جولاۋشىلاردى ونەرىمەن تاڭعالدىردى.

جۇرگىزۋشىنىڭ تروللەيبۋس تۇتقاسىنا اسىلىپ تۇرعان سۋرەتى جەلىدە تارادى، - دەپ حابارلايدى Tengrinews.kz ءتىلشىسى.

ينديرا (@bazarzhoqq) ەسىمدى Instagram قولدانۋشىسى تروللەيبۋس جۇرگىزۋشىسىنىڭ تۇتقاعا اسىلىپ تۇرعان سۋرەتىن سالعان. كوپتەگەن ادام مۇنداي ادامدار سپورتپەن اينالىسۋعا شابىت بەرەتىنىن جازعان. كەيبىرى جۇرگىزۋشى كولىك تۇتقاسىنىڭ ساپاسىنا سەنىم ارتقانىن جازعان.

«الماتىەلەكتروترانس» كومپانياسى وكىلدەرى قىزمەتكەرىنىڭ مۇنداي قابىلەتى بارىن بىلمەگەنىن ايتادى. تەحنيكا قاۋىپسىزدىگى بويىنشا تۇتقادا جاتتىعۋ جاساۋعا تىيىم سالىنعان. الايدا جۇرگىزۋشى بۇل ءىسى ءۇشىن جازالانبايدى، كەرىسىنشە، كومپانيا قىزمەتكەرلەرى سپورتتى ناسيحاتتاعانى ءۇشىن سىي جاسايتىنىن جەتكىزدى.


جۇرگىزۋشىنىڭ ەسىمى - اسحات يبرايەۆ. جاسى 55-تە. سپورتپەن جاس كەزىنەن باستاپ كۇندە اينالىسىپ كەلە جاتىر.

«جاس كەزىمدە كۇرەسپەن اينالىسقانمىن، سول كەزدە جاتتىقتىرۋشىمىز تۋرنيككە تارتىلىپ، قولمەن ءجۇرۋىمىزدى تالاپ ەتەتىن. جاسىم 55-كە كەلدى، ءبىراق سپورتپەن كۇندە اينالىسۋ ادەت بولىپ قالعان. فورمامدى ساقتاپ قالۋعا تىرىسامىن. كۇنى بويى كولىك جۇرگىزگەندە ارقام، بەلىم اۋىرادى، كىشكەنە قوزعالۋ كەرەك. تۇراقتا تۇتقاعا اسىلىپ، جاتتىعۋ جاساپ، تارتىلامىن. ۇيدە دە سپورتپەن اينالىسامىن»، - دەدى اسحات يبرايەۆ.

اسحات 2021- جىلدىڭ ناۋرىزىنان بەرى تروللەيبۋس جۇرگىزەدى ەكەن. بۇعان دەيىن ول قۇرىلىس نىساندارىندا اعاش ۇستاسى بولعان. ونىڭ ايتۋىنشا، تروللەيبۋستىڭ تۇتقاسى بەرىك. ادەتتە ول سوڭعى ايالدامادا، ەشكىم جوق جەردە جاتتىعۋ جاسايتىن، ال بۇل جولى ونى جولاۋشىلار بايقاپ، سۋرەتكە ءتۇسىرىپ العان ەكەن.


:ءبولىسۋ
سونداي-اق... وقىڭىز
پئكئر قالدئرؤ
+7
جئبةرؤ
ونلاين قىزمەتكەرلەر
رەداكتور
كۇنسۇلتان وتارباي
كۇنسۇلتان وتارباي
954-049

مۇراعات