+7 (701) 759 90 19 Лента
15 °С : نۇر-سۇلتان
22 °С : الماتى
USD 386.05 EUR 428.25
RUB 5.84 CNY 54.65
جاڭالىقتار

اپاتتى كۇيدە قونعان ۇشاقتان 55 ادام زارداپ شەكتى

15 تامىز 20:22 20
:ءبولىسۋ
اپاتتى كۇيدە قونعان ۇشاقتان 55 ادام زارداپ شەكتى

نۇر-سۇلتان. قازاقپارات- ت ا س س - رەسەيدىڭ «ۋرالسكيە اۆياليني» اۋە كومپانياسىنىڭ Airbus A321 جولاۋشىلار ۇشاعى جۋكوۆسكي اۋەجايى اۋماعىنا اپاتتى كۇيدە قوندى.

ۇشاق سيمفەروپولگە ۇشىپ بارا جاتقان، دەپ حابارلايدى قازاقپارات ت ا س س- قا سىلتەمە جاساپ.

جەدەل قىزمەت دەرەگى بويىنشا، ول جولاقتان ءبىر شاقىرىم قاشىقتىقتا، رىباكي اۋىلىنا جاقىن جەردەگى جۇگەرى القابىنا قونعان. بارلىق جولاۋشىلار ەۆاكۋاتسيالاندى.

ۇشاقتىڭ بورتىندا 230 ادام، سونىڭ ىشىندە 223 جولاۋشى - 41 بالا بولعان.

جەدەل قىزمەتتەگى دەرەككوزدىڭ مالىمەتىنشە، ۇشاقتىڭ قوزعالتقىشى ورتەنە باستاعان. ال، بورت ورتتەن امان قالعان. ۇشاقتىڭ قوزعالتقىشى قونىپ جاتقان كەزدە جانىپ، ءتۇسىپ قالعان.

اۋە كومپانياسىنىڭ باس ديرەكتورى سەرگەي سكۋراتوۆ اپاتتىق قونۋدىڭ دۇرىس ورىندالعانىن، ۇشقىشتاردىڭ اۋە كەمەسىنىڭ ورتەنىپ كەتۋىنە جول بەرمەگەنىن حابارلادى.

وقيعا سالدارىنان 55 ادام، سونىڭ ىشىندە 17 بالا زارداپ شەكتى. التى ادام، سونىڭ ىشىندە بەسەۋى (بىرەۋى بالا) رامەنسكي اۋرۋحاناسىنا، ءبىرى - جۋكوۆسكي اۋرۋحاناسىنا جەتكىزىلگەن. ادامدار جەڭىل جاراقات العان. بارلىق جولاۋشىلار ساقتاندىرىلعان، سوندىقتان وتەماقى الادى.

وقيعا ورنىندا 20 جەدەل جاردەم بريگاداسى جانە ەكى تىكۇشاق جۇمىس ىستەپ جاتىر.

اۋە تاسىمالداۋشىنىڭ باس ديرەكتورى سەرگەي سكۋراتوۆتىڭ دەرەگى بويىنشا، ۇشاقتىڭ ەكى قوزعالتقىشى دا ىستەن شىققان. وعان قۇس كىرىپ كەتكەن. ۇشاق ايتارلىقتاي زاقىمدالىپ، تاياۋ ۋاقىتتا رەيس جاسامايدى. قونىپ جاتقان كەزدە ونىڭ توننالاعان وتىنى اعىپ كەتكەن.

كولىك پروكۋراتۋراسى وقيعانىڭ ءمان-جايىن انىقتاپ جاتىر. ارنايى كوميسسيا قۇرىلىپ، قىلمىستىق ءىس قوزعالدى.


باستى سوزدەر: الةم,
:ءبولىسۋ
پئكئر قالدئرؤ
+7
جئبةرؤ
ونلاين قىزمەتكەرلەر
رەداكتور
باقىتجول كاكەش
باقىتجول كاكەش
954-049
رەداكتور
ريزابەك نۇسىپبەك
ريزابەك نۇسىپبەك
954-049
رەداكتور
كۇنسۇلتان وتارباي
كۇنسۇلتان وتارباي
954-049

مۇراعات