الماتىدا جۇلدە قورى 55 ميلليون تەڭگەنى قۇرايتىن بايگە جارىسى ءوتتى

استانا. قازاقپارات - الماتىنىڭ يپپودرومىندا قازاقستاننىڭ ءار ايماعىنان جانە قىرعىزستاننان كەلگەن شاباندوزدار ءوزارا مىقتىنى انىقتادى. بۇل تۋرالى اقپاراتتىق جانە سپورتتىق حاب حابارلايدى.

جارىس مەرحات بۇلعىنوۆتىڭ 60 جاسىنا جانە استانانىڭ 20 جىلدىعىنا ارنالىپ، 150-دەن استام سپورتشىلاردىڭ قاتىسۋىمەن وتكىزىلدى. سپورتتىق شارادا اۆتوكولىكتەر مەن اقشالاي جانە باعالى سىيلىقتار ويناتىلدى. بايگەنىڭ اشىلۋ سالتاناتى الماتى قالاسى دەنە شىنىقتىرۋ جانە سپورت باسقارماسىنىڭ باسشىسى ءابىل دوڭبايەۆ، وليمپيادا جۇلدەگەرى يسلام بايرامۋكوۆ جانە مەرحات بۇلعىنوۆتىن قۇتتىقتاۋ جانە العىس سوزدەرىمەن باستالدى.

 سالتاناتتى اشىلۋ راسىمىنەن كەيىن قوناقتار ۇلتتىق ويىندار اۋدارىسپاق، تەڭگە ءىلۋ، قىز قۋۋدى تاماشالاپ، قىزىقتى جارىستاردىڭ كۋاسى بولدى. جارىس قورىتىندىسى بويىنشا تاي جارىستان (5 ك م) ءبىرىنشى ورىندى «قاراقۇس» دەگەن سايگۇلىك يەسى ايسۇلتان سەرىكوۆ جەڭىپ الدى. جورعا بايگەدە (7 ك م) كۋبوكتىڭ يەسى بولىپ «فاەير» اتىمەن جانات تۇرسىن اتاندى. 15 شاقىرىمدىق توپ بايگەدە العا وزعان «مۇراگەر» حاسان حاسىنبايەۆ بولسا، قۇنان بايگەنى (8 ك م) «حانزادا» سايگۇلىگىمەن رۇستەم دوسجانوۆ ۇتىپ الدى. ال ەڭ ۇزاق شاقىرىمدىق الامان بايگەدە (21 ك م) وزىپ شىققان «قاراكوز» دەپ اتالاتىن ارتىعالي ميراسوۆتىڭ اتى بولدى.

 ايتا كەتەر جايت، تاي جارىسى، قۇنان بايگە، توپ بايگە جەڭىمپازدارى Lada Priora اۆتوكولىگىمەن، ال الامان بايگەنىڭ جەڭىمپازى نيۆا كولىگىمەن ماراپاتتالدى. جورعا بايگەدە ءبىرىنشى ورىن العان قاتىسۋشى 1 ميلليون تەڭگەگە يە بولدى. ەكىنشى، ءۇشىنشى، ءتورتىنشى جانە بەسىنشى ورىن العاندار تۇرمىستىق تەحنيكالارمەن ماراپاتتالدى. وسىلايشا جارىستىڭ جالپى جۇلدە قورى 55 ميلليون تەڭگەنى قۇرادى

 www.24.kz