+7 (701) 759 90 19
12 °С : نۇر-سۇلتان
18 °С : الماتى
USD 412.55 EUR 468.66
RUB 5.79 CNY 58.80
جاڭالىقتار

دەنساۋلىق ساقتاۋ مينيسترلىگى 553 ميلليون تەڭگەگە كولىك الۋعا قاتىستى تۇسىنىك بەردى

12 شىلدە 11:30
:ءبولىسۋ
دەنساۋلىق ساقتاۋ مينيسترلىگى 553 ميلليون تەڭگەگە كولىك الۋعا قاتىستى تۇسىنىك بەردى

نۇر-سۇلتان. قازاقپارات – ق ر دەنساۋلىق ساقتاۋ مينيسترلىگى تاۋارلار مەن كورسەتىلەتىن قىزمەتتەردىڭ ساپاسى مەن قاۋىپسىزدىگىن باقىلاۋ كوميتەتى 553 ميلليون تەڭگەگە اۆتوكولىكتەردى ساتىپ الۋعا قاتىستى تۇسىنىك بەردى، دەپ حابارلايدى قازاقپارات.

«مەملەكەت باسشىسىنىڭ مەكەمەلەردىڭ ماتەريالدىق- تەحنيكالىق جابدىقتالۋىن نىعايتا وتىرىپ، ۇلتتىق سانيتارلىق- ەپيدەميولوگيالىق قىزمەتتى كۇشەيتۋ تۋرالى تاپسىرماسىنا سايكەس، ساتىپ الۋ (كولىكتەردى - رەد. ) ەكونوميكالىق ءوسىمدى قالپىنا كەلتىرۋ بويىنشا 2020 -جىلدىڭ سوڭىنا دەيىنگى كەشەندى جوسپار اياسىندا دەنساۋلىق ساقتاۋ جۇيەسىن ءجىتىلدىرۋ جونىندەگى ءىس- شارالار جوسپارىنا ەنگىزىلدى»، - دەدى كوميتەتتەن.

ۆەدومستۆو مالىمەتىنشە، كولىكتەر كوميتەتتىڭ 18 اۋماقتىق دەپارتامەنتىنىڭ (224 اۋداندىق بولىمشەسى بار) ماماندارى، ياعني ەلدىڭ سانيتارلىق- ەپيدەميولوگيالىق قىزمەتى ءۇشىن ساتىپ الىنۋدا.

«سوڭعى 8-10 جىلدا سانەپيدقىزمەتتىڭ اۆتوپاركى جاڭالانعان جوق. بۇگىندە اۆتوپاركتىڭ 90 پايىزى 100 پايىزعا توزىعى جەتكەن. كوروناۆيرۋس ينفەكتسياسىنىڭ پاندەمياسىنا بايلانىستى COVID-19-بەن كۇرەس ءۇشىن ارنايى اۆتوكولىككە ءجىتى قاجەتتىلىك تۋىندادى»، - دەپ تولىقتىردى كوميتەتتەن.

اتاپ وتىلگەندەي، جاڭا كولىكتەر ورتاشا العاندا 300 شاقىرىمنان استام راديۋستا ينفەكسيالىق سىرقاتتاردىڭ ەپيدەميولوگيالىق وشاقتارىن ۋاقىتىلى تەكسەرۋ ءۇشىن قاجەت. سونداي-اق لابوراتوريالىق زەرتتەۋلەردى جاساۋ ءۇشىن اناليزدەردى شۇعىل الىپ وتىرۋعا كەرەك.

«اتالمىش ساتىپ الۋعا قاراجات 2018-2020 -جىلدارعى ءۇشجىلدىق بيۋدجەتكە ەنگىزىلگەن. جوسپار بويىنشا وتاندىق ءوندىرىستىڭ ارنايى اۆتوكولىك قۇرالدارى ساتىپ الىنادى»، - دەپ تۇيىندەدى مينيسترلىك كوميتەتىنەن.

ايتا كەتەيىك، بۇعان دەيىن كەيبىر بۇقارالىق اقپارات قۇرالدارى تاۋارلار مەن كورسەتىلەتىن قىزمەتتەردىڭ ساپاسى مەن قاۋىپسىزدىگىن باقىلاۋ كوميتەتى 553799400 تەڭگەگە 140 اۆتوكولىك ساتىپ الۋدى جوسپارلاپ وتىرعانىن جازعان بولاتىن.


:ءبولىسۋ
پئكئر قالدئرؤ
+7
جئبةرؤ
ونلاين قىزمەتكەرلەر
رەداكتور
باقىتجول كاكەش
باقىتجول كاكەش
954-049
رەداكتور
ريزابەك نۇسىپبەك
ريزابەك نۇسىپبەك
954-049
رەداكتور
كۇنسۇلتان وتارباي
كۇنسۇلتان وتارباي
954-049

مۇراعات