دارىگەرلەردىڭ ورتاشا جالاقىسى 550 مىڭ تەڭگە بولادى

نۇر- سۇلتان. قازاقپارات - 2023-2025 -جىلعا دەيىن دارىگەرلەردىڭ جالاقىسى كەزەڭ- كەزەڭىمەن كوبەيەدى. بۇل تۋرالى ق ر د س م رەسپۋبليكالىق دەنساۋلىق ساقتاۋدى دامىتۋ ورتالىعىنىڭ باس ديرەكتورى قانات توسەكبايەۆ ايتىپ بەردى، دەپ حابارلايدى قازاقپارات ءتىلشىسى.

«مەملەكەتتىك دەنساۋلىق ساقتاۋ باعدارلاماسى بويىنشا 2023-2025 -جىلعا دەيىن دارىگەرلەردىڭ جىل سايىن جالاقىسىن كوتەرۋ جوسپارلانىپ وتىر. 2017 -جىلى دارىگەرلەردىڭ ايلىعى 98 مىڭ تەڭگە بولسا، بۇگىنگى كۇنى ورتاشا جالاقى 253 مىڭعا دەيىن جەتەدى. ال 2025 -جىلى دارىگەردەردىڭ ورتاشا ايلىعى 550 مىڭعا دەيىن جەتەدى دەپ جوسپارلاپ وتىرمىز»، - دەدى ق. توسەكبايەۆ ورتالىق كوممۋنيكاتسيالار ورتالىعىندا وتكەن ونلاين بريفينگتە.

ونىڭ ايتۋىنشا، 2018-2020 -جىلدارى ورتاشا مەديتسينالىق قىزمەتكەرلەردىڭ دە ەڭبەكاقىسى ءوسىپ كەلەدى. ماسەلەن، 2018 -جىلى ولاردىڭ ورتاشا ايلىعى 90843 تەڭگە بولسا، قازىر - 161281 تەڭگە. ياعني، ەڭبەكاقى %56- عا ارتقان.

اۆتور: ايجان سەرىكجان قىزى