قازاق تاريحىنىڭ 550 جىلىندا جاۋىنگەر ايەل قالاي وزگەردى - فوتو، كەسكىن

استانا. قازاقپارات - قازاقستان ارمياسىنىڭ قۇرىلۋ تاريحى - بۇل ءتۇپ- تامىرى تەرەڭگە جايىلعان، كونەنىڭ كوزىنە اينالعان دۇنيەجۇزى تاريحىنىڭ بولىگى ىسپەتتى.

تاۋەلسىزدىك پەن ەركىندىك ءۇشىن ايبارلى باتىرلارىمىز شايقاسقا ءتۇستى. ولاردىڭ اراسىندا نازىك جاندى ارۋلار دا بولدى. بۇل تۋرالى قر قورعانىس مينيسترلىگىنىڭ باسپا ءسوز قىزمەتى حابارلايدى.

قازاق حالقى جوڭعار شاپقىنشىلىعى، قاسىرەتتى زۇلمات جىلدار، ەكىنشى دۇنيەجۇزىلىك سوعىس، اۋعانستانداعى اسكەري شيەلەنىستەرگە قاتىسۋ سىندى تالاي تاعدىر سىنىنان ءوتتى.

بۇگىنگى تاڭدا قازاقستاندىق ارميا قاتارىندا ءوزىنىڭ قاسيەتتى بورىشىن ابىرويمەن اتقارىپ جۇرگەن 8 مىڭنان اسا ايەل اسكەري قىزمەتشى قىزمەت ەتەدى.

7 -مامىر كۇنىن وتان قورعاۋشىلار ەرلەر قاۋىمى عانا ەمەس، سونىمەن بىرگە تۋعان جەرىمىزدىڭ تىنىشتىعىن ساقتاپ، تاۋەلسىزدىگىمىزدىڭ بەرىك قالقانى، ۇيىتقىسى بولىپ وتىرعان وتان قورعاۋشى قىز-كەلىنشەكتەرىمىز دە اتاپ وتەتىن بولادى.