اسكەري باسپانا: 5500 قىزمەتشىگە پاتەر بەرىلەدى
دەپ حابارلايدى قازاقپارات ءتىلشىسى.
«2018 -جىلى ءبىزدىڭ بانكتەن اسكەري قىزمەتشىلەر 70 مىڭ ارنايى ەسەپشوت اشىپ، تۇرعىن ءۇي تولەمدەرىن سول جەرگە جيناپ جاتىر. سول جىلدىڭ شىلدە ايىندا «اسكەري باسپانا» دەگەن باعدارلامانى اشتىق. ق ر قارۋلى كۇشتەرىنىڭ اسكەري قىزمەتشىلەرى ارنايى ازىرلەنگەن AASKERI.BASPANA.KZ سايتى ارقىلى جەڭىلدەتىلگەن يپوتەكالىق نەسيەلەندىرۋگە قاتىسۋعا وتىنىمدەر قالدىرادى»، - دەدى ءلاززات يبراگيموۆا.
ونىڭ ايتۋىنشا، بۇگىنگى كۇنگە دەيىن اسكەري قىزمەتشىلەر تاراپىنان نەسيەگە باسپانا الۋعا 13 مىڭ ءوتىنىش كەلىپ تۇسكەن.
«ونىڭ ىشىندە 5500 وتىنىمگە كەلىسىم بەردىك. قازىرگى ۋاقىتتا ولار نەسيە الىپ، پاتەر ىزدەپ ءجۇر. 2250 ادام پاتەرگە كىردى. تاعى 250 اسكەري قىزمەتشىنىڭ قۇجاتى بانكتە قاراستىرىلۋدا. 2019 -جىلدىڭ 1 - ساۋىرىنە دەيىن وسى 5500 اسكەري قىزمەتشىنى تولىعىمەن باسپانامەن قامتاماسىز ەتەمىز دەپ وتىرمىز. ودان كەيىن باعدارلامانىڭ ەكىنشى كەزەڭى باستالادى»، - دەدى بانك باسشىسى.
ايتا كەتەيىك، وتكەن جىلدىڭ 1 - شىلدەسىنەن باستاپ 2 - تامىزعا دەيىن قازاقستان رەسپۋبليكاسىنىڭ قارۋلى كۇشتەرىنىڭ اسكەري قىزمەتشىلەرى ارنايى ازىرلەنگەن « AASKERI.BASPANA.KZ سايتى ارقىلى جەڭىلدەتىلگەن يپوتەكالىق نەسيەلەندىرۋگە قاتىسۋعا وتىنىمدەردى بەرۋ جۇرگىزىلدى. اسكەريلەرگە نەسيەلەر قازاقستاننىڭ تۇرعىن ءۇي قۇرىلىس جيناق بانكى ارقىلى بەرىلەدى. جەڭىلدەتىلگەن نەسيەنىڭ ءۇش ءتۇرى قاراستىرىلعان. كونكۋرس كەزىندە ەڭبەك ءوتىلى جانە قاجەتتى العاشقى جارنانىڭ بار- جوعى ەسكەرىلەدى. اسكەري قىزمەتشىنىڭ نەسيەسى تۇرعىن ءۇي تولەمدەرى نەگىزىندە بەرىلەتىن قاراجات ەسەبىنەن وتەلەدى.
اۆتور: مارلان جيەمباي