550 ءۇي سۋ استىندا قالدى، 83 كوپىر قيرادى

كيەۆ. ۋكرينفورم- قازاقپارات - ۋكراينانىڭ باتىسىنداعى ءتورت وبلىستا، 29-ماۋسىم كۇنگى دەرەك بويىنشا، اۋا رايىنىڭ قولايسىزدىعىنان 70 ەلدىمەكەن سۋ استىندا قالدى.

بۇل تۋرالى ۋكراينانىڭ توتەنشە جاعدايلار مەملەكەتتىك قىزمەتىنىڭ باسپا ءسوز قىزمەتى مالىمدەدى، دەپ حابارلايدى قازاقپارات ۋكرينفورمعا سىلتەمە جاساپ.

«70 ەلدىمەكەندە (جالپى 349 بولاتىن) 550 ءۇي (14456 بولاتىن)، 1 الەۋمەتتىك جانە تۇرمىستىق سالا وبەكتىسى (18 ەدى)، 831 جەرتولە (7225 بولعان)، 1898 ءۇي ىرگەسىندەگى جەر تەلىمى (22182 بولعان) سۋ استىندا قالىپ، 150,5 شاقىرىم تاسجول قيرادى (278,2 بولاتىن)، 582 شاقىرىم اۆتوجول (653 بولعان) مەن 220 كوپىر ءبۇلىندى»، - دەلىنگەن حابارلامادا.

جالپى وبلىس اۋماعىندا 3 ادام قايتىس بولدى (يۆانو- فرانكوۆسكايا وبلىسى). ت ج م ق قىزمەتكەرلەرى 2523 ادامدى ەۆاكۋاتسيالادى، تاۋلىك ىشىندە 32904 تەكشە مەتر سۋ سورىپ الىندى (جۇمىس باستالعالى - 183244 تەكشە مەتر)، تۇرعىندارعا 120 ك گ ازىق-تۇلىك (جۇمىس باستالعالى - 8628 ك گ) پەن 750 ل اۋىز سۋ (جۇمىس باستالعالى - 25315 ل) جەتكىزىلدى. اپات سالدارىن جويۋعا 774 ادام مەن 291 تەحنيكا جۇمىلدىرىلدى.

ەسكە سالا كەتسەك، 22-24-ماۋسىم ارالىعىندا تولاسسىز جاۋعان جاۋىن- شاشىننان ۋكراينانىڭ يۆانو- فرانكوۆسكايا، چەرنوۆيتسكايا، لۆوۆسكايا جانە تەرنوپولسكايا وبلىستارىندا سۋ تاسقىنى بولعان ەدى.