مارەگە 54 جىلدان كەيىن جەتكەن مارافونشى

None
None
نۇر-سۇلتان. قازاقپارات - سپورت الەمى تاريحىندا قىزىقتى وقيعالار كوپ. كەيبىرىن اقىلعا قونىمسىز ساناساڭ، كەيبىرىنە شىن تاڭداناسىڭ. سونداي وقيعالاردىڭ ءبىرى مارافونشى سيندزو كاناكۋري ەسىمىمەن تىكەلەي بايلانىستى.

1912 -جىلعى جازعى وليمپيادا ويىندارى ستوكگولمدە (شۆەتسيا) وتەدى. جەر جاھاننىڭ كىل مىقتى سپورتشىلارى سكانديناۆيا تۇبەگىنە اعىلا باستايدى. جاپونيادا ۇلتتىق ىرىكتەۋدەن سۇرىنبەي وتكەن مارافونشى سيندزو كاناكۋري دە شۆەد جەرىن بەتكە الادى. الدىمەن كەمە، ودان كەيىن پويىز ارقىلى 18 كۇن دەگەندە ستوكگولمگە دە جەتەدى. ۇزاق جولدان شارشاعان سپورتشىعا بابىنا كەلۋ ءۇشىن 5 كۇن قاجەت بولادى. جارىس كۇنى اۋا رايى اپتاپ بولىپ، تەمپەراتۋرا 25 گرادۋستان اسادى. مارافونعا قاتىسۋشىلاردىڭ تەڭ جارتىسى ىستىق ءوتىپ، جارىستى اياقتاي المايدى. ال سيندزو كاناكۋري بولسا جارتى جولدا ەسىنەن تانىپ قۇلايدى. سەبەبى ول جەرگىلىكتى مەكەننىڭ تاعامىنا دا ۇيرەنىسە الماعان ەدى.

جاپون سپورتشىسىنىڭ باعىنا قاراي، فەرمەرلەر ونىڭ ءومىرىن قۇتقارىپ قالادى. وسى ءبىر ساتسىزدىگى مەن جەڭىلىسىنەن جىگەرى قۇم بولعان سيندزو جارىس ۇيىمداستىرۋشىلارىنا ءلام- ميم دەمەستەن ەلىنە قايتىپ كەتەدى. ال شۆەد بيلىگى بولسا ونى ەلدە جوعالعان جاندار قاتارىنا قوسادى. سيندزو كاناكۋري جاپونياعا كەلگەن سوڭ قايتادان جارىستارعا دايىندالا باستايدى. 1916 -جىلعى وليمپياداعا قاتىسۋعا دا مۇمكىندىك الادى. الايدا بۇل دودا ءبىرىنشى دۇنيەجۇزىلىك سوعىسقا بايلانىستى ۇيىمداستىرىلمايدى. 25 جاستاعى مارافونشى مۇنىمەن دە مانسابىن اياقتامايدى. 1920 -جىلى انتۆەرپەندەگى (بەلگيا) مارافونعا قاتىسىپ، 16-ورىن الادى. ال 1924 -جىلعى پاريج وليمپياداسىندا مارەگە جەتە الماي، جارىستى اياقتايدى.


1967 -جىلى جوعالعان جاپون مارافونشىسىن تاپقان شۆەد تەلەارناسى 1912 -جىلعى وليمپياداداعى جارىسىن اياقتاۋ جايلى ۇسىنىس جاسايدى. سينندزو كەلىسىمىن بەرىپ، 54 جىل، 8 اي، 6 كۇن، 5 ساعات، 32 مينۋت، 20,3 سەكۋندتان كەيىن بارىپ ستوكگولم مارافونىنىڭ مارە سىزىعىن كەسەدى.

وسى ءبىر تاريحي وقيعادان كەيىن سپورتشى: «بۇل - وتە ۇزاق ساياحات بولدى. جولدا مەن شاڭىراق كوتەرىپ، 6 بالام مەن 10 نەمەرەم دۇنيەگە كەلدىح - سۇحبات بەرەدى. بۇگىندە كۇنشىعىس ەلى سيندزو كاناكۋريدى «جاپون مارافونىنىڭ اكەسى» دەپ اتايدى. ول 1983 -جىلى تۋعان جەرى كۋماموتودا (جاپونيا) دۇنيەدەن وزدى (92 جاسىندا). 2012 -جىلى سيندزو كاناكۋريدىڭ شوبەرەسى يوشاكي كۋرادو ستوكگولم مارافونىنا قاتىسادى. قاتىسقاندا دا باباسى توقتاعان شۆەد فەرمەرى اۋلەتىنىڭ ۇيىنە ارنايى توقتاپ، تاريحي وقيعانى ەرەكشە اتاپ وتەدى.

ⅩⅩعاسىر باسى وليمپيادا ويىندارى جاندانىپ كەلە جاتقان كەز. ال مارافون سپورتى ءتورتجىلدىقتىڭ باستى دوداسىنان بىردە- ءبىر رەت شەت قالعان ەمەس. تەك باستاپقىدا ايەلدەر قاتىستىرىلعان جوق. سەبەبى نازىك جاندى ارۋلاردىڭ دەنساۋلىعىنا باسا ءمان بەرىپ، رۇقسات ەتپەگەن. ايەلدەر 1984 -جىلدان باستاپ قانا وليمپياداعا قاتىسا باستادى. تاعى ءبىر قىزىقتى وقيعانى ايتا كەتەر بولساق، 1900 -جىلى پاريجدە وتكەن وليمپياداعا 30 مارافونشى قاتىسقان. ونىڭ 7 ءسى عانا مارەگە جەتىپتى. قالعان قاتىسۋشىلار جولدان اداسىپ كەتكەن.


Massaget.kz


سوڭعى جاڭالىقتار