ماڭعىستاۋدا بيىل 54 ءىرى سپورتتىق شارالار وتكىزىلمەك

استانا. قازاقپارات - ماڭعىستاۋ وبلىسىنىڭ اكىمى ەرالى توعجانوۆتىڭ توراعالىعىمەن دەنە شىنىقتىرۋ جانە سپورت ءبولىمىنىڭ كەڭەيتىلگەن وتىرىسى ءوتتى.

بۇل تۋرالى قازاقپارات اكىمنىڭ باسپا ءسوز قىزمەتىنە سىلتەمە جاساپ حابارلايدى.

«دەنساۋلىقتى ساقتاۋعا، سالاۋاتتى ءومىر سالتىن ناسيحاتتاۋعا جانە جاستاردىڭ رەپرودۋكتسيالىق دەنساۋلىعىن قورعاۋعا، نىعايتۋعا ەرەكشە نازار اۋدارۋ قاجەت. 2017-جىلى ماڭعىستاۋدا 7 ءىرى سپورت نىسانى سالىندى. 2500 ورىندىق كەشەن حالىقارالىق ستاندارتتارعا ساي مۇز الاڭىن، فيتنەس زال، كونفەرەنتس-زال، باسپا ءسوز ورتالىعى، كافە جانە مەيرامحانانى قامتيدى. بارلىعى 120 دان استام جاڭا جۇمىس ورنى قۇرىلادى»، - دەدى وبلىس اكىمى ەرالى توعجانوۆ.

بۇگىنگى كۇنى وبلىستا سپورتپەن شۇعىلداناتىن ادامداردىڭ سانى %30  عا نەمەسە 194832 ادامعا جەتتى. بۇل كورسەتكىش رەسپۋبليكادا 5-ورىن الادى. وبلىستاعى 125888 ورتا مەكتەپتەگى وقۋشىنىڭ 21442 ءسى سپورتپەن شۇعىلدانادى. 2017-جىلدىڭ قورىتىندىسى بويىنشا وبلىستا ۇلتتىق سپورت تۇرلەرىمەن اينالىساتىندار سانى 12659 ادامدى قۇرادى. وبلىستا 19 ۇلتتىق سپورت ءتۇرى بار. سونداي-اق، 2018-جىلى 54 ءىرى سپورتتىق ءىس-شارا وتكىزۋ جوسپارلانىپ وتىر.

«قازىرگى كەزدە وبلىستا 624 سپورتتىق نىسان بار. 2017 -جىلى ينۆەستورلار قاراجاتىمەن 20 دان استام سپورت الاڭى جانە 8 سپورتتىق نىسان سالىندى. 2018-جىلى م ج ءا تەتىگى ارقىلى سپورتتىق زالداردىڭ قۇرىلىسى، 17 شاعىن اۋدانداعى ۇستەل تەننيسى ورتالىعى، 26- ىقشام اۋدانداعى سپورت بازاسى، قىزان اۋىلىنداعى سپورت كەشەنى، بوكس ورتالىعىنىڭ قۇرىلىستارى باستالادى»، - دەدى ماڭعىستاۋ وبلىستىق دەنە شىنىقتىرۋ جانە سپورت باسقارماسىنىڭ باسشىسى بەكبولات بايجانوۆ.

وبلىس اكىمى ەرالى توعجانوۆ سپورت الاڭدارى مەن بالالارعا ارنالعان زالداردىڭ سانىن كوبەيتۋ، اقتاۋ قالاسىندا سالىنىپ جاتقان ءاربىر جاڭا تۇرعىن ءۇي كەشەنىندە سپورت سەكسيالارى مەن سەكسيالاردى ۇيىمداستىرۋ ءۇشىن الاڭدار ءبولۋ ماسەلەسى قارالدى.

سونىمەن قاتار، وبلىس اكىمى بارلىق ءىرى كاسىپورىنداردىڭ باسشىلارىنا جۇمىسشىلار مەن جاقىن ماڭداعى شاعىن اۋدانداردىڭ تۇرعىندارى ءۇشىن كومپانيا اۋماعىندا سپورتتىق الاڭدار مەن زالدار سالۋدى تاپسىردى.