پاۆلوداردا «ەڭبەك» باعدارلاماسى بويىنشا 549,8 ميلليون تەڭگە ءبولىندى
سونىمەن قاتار، پاۆلودار وبلىسىندا وسى باعدارلاما بويىنشا قىسقا مەرزىمدى كۋرستاردا وقۋعا 549,8 ميلليون تەڭگە، ستيپەندياعا تاعى 150,3 ميلليون تەڭگە ءبولىندى، دەپ حابارلايدى pavlodarnews.kz.
وبلىستىق جۇمىسپەن قامتۋدى ۇيلەستىرۋ جانە الەۋمەتتىك باعدارلامالار باسقارماسىنىڭ باستىعى قايرات نۇرماعامبەتوۆتىڭ ايتۋىنشا، «ەڭبەك» باعدارلاماسىنىڭ ءبىرىنشى باعىتى اياسىندا 1 - قىركۇيەكتەن باستاپ تەحنيكالىق جانە كاسىپتىك ءبىلىمى بار 1035 قىزمەتكەردى وقىتۋ جوسپارلانعان. - بۇگىنگى تاڭدا تەحنيكالىق جانە كاسىپتىك بىلىمگە وقىتۋدى 2017 -جىلى قابىلدانعان 191 ادام اياقتادى. ولاردىڭ 131- ءى نەمەسە 68,6 پايىزى جۇمىسقا ورنالاستىرىلدى، - دەدى قايرات نۇرماعامبەتوۆ.
وبلىس اكىمى بولات باقاۋوۆ ءوز قاراماعىنداعىلارعا وسى ادامداردىڭ جۇمىسپەن قامتىلۋ پايىزىن باقىلاۋدى تاپسىردى. - بىزگە قانشا ادامدى تۇراقتى جۇمىسپەن قامتي العانىمىز، ولاردىڭ قانشاسى زەينەتاقى قورىنا جارنا اۋداراتىنى جانە قانشا ادام ۋاقىتشا جۇمىس ورىندارىندا وتىرعاندىعى، قانشا ادام قۇجاتسىز بەس مىڭ تەڭگەگە جۇمىس ىستەيتىنى تۋرالى ناقتى ساراپتاما قاجەت. ءبىز جۇمىستىڭ ساپاسىن باقىلاۋىمىز جانە كولەڭكەلى ەكونوميكاعا قارسى تۇرۋىمىز كەرەك، - دەدى بولات باقاۋوۆ.
وبلىستىق جۇمىسپەن قامتۋدى ۇيلەستىرۋ جانە الەۋمەتتىك باعدارلامالار باسقارماسىنىڭ باسشىسى ەڭبەك نارىعىندا سۇرانىسقا يە ماماندىقتار بويىنشا كاسىپتىك بىلىمگە 1349 ادامدى قىسقا مەرزىمدە وقىتۋ جوسپارلانىپ، ناتيجەسىندە 1361 ادام باعىتتالعانىن دا اتاپ ءوتتى ول.
ايتا كەتەيىك، بۇل ستاتيستيكا بويىنشا جاقسى كورسەتكىش وبلىس قالالارىنا تيەسىلى. الايدا، ءبىز قالاعانداي جەتكىلىكتى ادام وقىمايتىن نەمەسە كۋرستان كەيىن اۋىل تۇرعىندارى جۇمىس تابا المايتىن اۋداندار بار. سپيكەردىڭ ايتۋىنشا، قىسقا مەرزىمدى كاسىپتىك وقۋدى ۇيىمداستىرۋ جوسپارى اقۋلى اۋدانى مەن ماي اۋدانى تاراپىنان ورىندالعان جوق. سونىمەن قاتار، باسقارما باسشىسى قىسقا مەرزىمدى كۋرستاردان وتكەن ادامداردىڭ جۇمىسپەن قامتىلۋ پايىزى بويىنشا ازىرگە ماقتانا المادى.
- بيىل 680 ادام وقۋىن اياقتادى. ونىڭ 122- ءسى جۇمىسقا ورنالاستىرىلدى. بۇگىندە جۇمىسپەن قامتىلۋ 17,9 پايىزدى قۇرايدى. بۇل وقۋ اياقتالۋىنان 10 كۇن وتپەگەنىنە بايلانىستى. ال جۇمىسقا ورنالاسۋ ءۇشىن مەديتسينالىق تەكسەرۋدەن وتۋگە بايلانىستى بەلگىلى ءبىر پروتسەدۋرا قاجەت. ول 10 كۇنگە دەيىن سوزىلادى. جۇمىس بەرۋشىلەر دە بەرىلگەن ءوتىنىشتى ءبىر كۇندە قارامايدى، - دەپ ءتۇسىندىردى قايرات نۇرماعامبەتوۆ.
قايرات نۇرماعامبەتوۆتىڭ ايتۋىنشا، اعىمداعى جىلدىڭ شىلدەسىندە رەسپۋبليكالىق بيۋدجەتتىك كوميسسيا 54 مىڭ قازاقستاندىقتىڭ قىسقا مەرزىمدى وقۋىنا 7,9 ميلليارد تەڭگە جانە ستيپەنديا ءۇشىن 5,7 ميلليارد تەڭگە كولەمىندە قوسىمشا شىعىندارعا قارجى بولگەن. ونىڭ ىشىندە پاۆلودار وبلىسىنا وقىتۋعا 549,8 ميلليون تەڭگە جانە ستيپەندياعا 150,3 ميلليون تەڭگە ءبولىندى. بۇل سوماعا جىل سوڭىنا دەيىن 2300 ادام وقىتىلۋى قاجەت. - ءبىز ولاردىڭ وقىپ جاتقانىن جانە ماماندىقتارىن بىلەمىز، - دەدى بولات باقاۋوۆ.
- سوندىقتان ناتيجەنى 10 كۇن كۇتپەۋ ءۇشىن ءبىز ولاردى جۇمىسقا ورنالاستىرۋدى جوسپارلاي الامىز. حالىقتى جۇمىسپەن قامتۋ ءبىرىنشى كەزەكتەگى مىندەت. بۇل ادامداردىڭ تاعدىرى. سوندىقتان ەشقانداي كەمشىلىك بولماۋى كەرەك.