+7 (701) 759 90 19
11 °С : نۇر-سۇلتان
12 °С : الماتى
USD 389.59 EUR 429.06
RUB 6.05 CNY 55.07
جاڭالىقتار

كاسپيدە 544 مىڭ قۇس بارى ەسەپتەلدى

18 ءساۋىر 09:56
:ءبولىسۋ
كاسپيدە 544 مىڭ قۇس بارى ەسەپتەلدى

اتىراۋ. قازاقپارات - اتىراۋ وبلىسىندا قاشاعان كەن ورنىن وڭدەيتىن «نورت كاسپيان وپەرەيتينگ كومپاني ن. ۆ. » (ن ك و ك) كومپانياسى كاسپي تەڭىزىنىڭ قازاقستاندىق سەكتورىنداعى جاعالاۋىندا 544 مىڭ قۇس بارىن ەسەپتەدى، دەپ حابارلايدى قازاقپارات ءتىلشىسى.

«كومپانيا 2000 -جىلدان بەرى جىل سايىن قۇستاردى زەرتتەيدى: كوكتەم جانە كۇز مەزگىلدەرىندە جىلىنا ەكى رەت باقىلاۋ جۇرگىزەدى. ورنيتولوگيالىق زەرتتەۋلەر ەدىل ساعاسىنان ەمبى ساعاسىنا دەيىن، اتىراۋدان اقتاۋعا دەيىنگى ارالىقتى قامتيدى. زەرتتەۋشىلەر توبىنىڭ قۇرامىنا ورنيتولوگيا سالاسىنداعى ق ر جەتەكشى ماماندارى، اتىراۋ جانە ماڭعىستاۋ وبلىستىق ورمان شارۋاشىلىعى جانە جانۋارلار الەمى اۋماقتىق ينسپەكتسياسىنىڭ ينسپەكتورلارى، سونداي- اق ن ك و ك ەكولوگتارى كىرەدى»، - دەپ حابارلادى كومپانيانىڭ باسپا ءسوز قىزمەتى قازاقپارات تىلشىسىنە.

2018 -جىلى كۇزگى ميگراتسيا كەزىندە قۇستار پوپۋلياتسيانىڭ تىعىزدىعى جوعارى بولعان.

«قازاندا زەرتتەۋ جۇرگىزۋ كەزىندە 544 مىڭ قۇس ەسەپتەلدى. بۇل بۇعان دەيىنگى كورسەتكىشتەردىڭ ىشىندەگى ەڭ جوعارىسى. سىبىرلاۋىق اققۋدىڭ سانى 2000 -جىلدان بەرگى كورسەتكىشتەردىڭ ىشىندە ەڭ جوعارى دەڭگەيگە جەتىپ، 91000 قۇرادى. قۇستاردىڭ مەكەندەيتىن ورىندارى دە وزگەرىپ جاتىر. كومسومولەتس شىعاناعىنىڭ شىعىس بولىگىن قوقيقازدار مەن سىبىرلاۋىق اققۋلار مەكەندەمەيتىن بولعان، سەبەبى تەڭىز دەڭگەيىنىڭ تومەندەۋى سالدارىنان سۋى تارتىلعان. ەمبى وزەنىنىڭ ساعاسى دا، ەدىل مەن جايىق وزەندەرىنىڭ ساعاسى اراسىنداعى اۋماق تا ءدال وسىنداي جاعدايدا. وسىعان بايلانىستى قۇستار تۇلەن ارالدارى اۋماعىنداعى جىلى جانە شاعىن سۋلارعا شوعىرلانۋدا»، - دەدى كومپانيانىڭ باسپا ءسوز قىزمەتىنەن.

اۆتور: ا. سوكولوۆ


باستى سوزدەر: ايماق,
:ءبولىسۋ

اأتور:

novasa

پئكئر قالدئرؤ
+7
جئبةرؤ
ونلاين قىزمەتكەرلەر
رەداكتور
باقىتجول كاكەش
باقىتجول كاكەش
954-049
رەداكتور
ريزابەك نۇسىپبەك
ريزابەك نۇسىپبەك
954-049
رەداكتور
بەيسەن سۇلتان
بەيسەن سۇلتان
954-049

مۇراعات