+7 (701) 759 90 19
5 °С : نۇر-سۇلتان
12 °С : الماتى
USD 425.3 EUR 501.05
RUB 5.85 CNY 65.88
جاڭالىقتار

ماڭعىستاۋ وبلىسىنا يراننان 53 قانداسىمىز كوشىپ كەلدى

15 قىركۇيەك 16:29
:ءبولىسۋ
ماڭعىستاۋ وبلىسىنا يراننان 53 قانداسىمىز كوشىپ كەلدى

اقتاۋ. قازاقپارات - ماڭعىستاۋ وبلىسىنا يران يسلام رەسپۋبليكاسىنان 53 قانداسىمىز كەلدى، دەپ حابارلايدى قازاقپارات ءتىلشىسى.

«يران يسلام رەسپۋبليكاسىنىڭ گورگان قالاسىنان 53 ادام قازاقستانعا قونىس اۋداردى. ولار اقتاۋ قالاسىندا 2-3 كۇن ايالداپ، قۇجاتتارىن رەتتەيدى. قۇجاتتارىن رەتتەۋ جۇمىستارى اياقتالعاننان سوڭ نۇر- سۇلتان قالاسىنا اتتانادى. كەيىن كوشى- قون باعدارلاماسى ارقىلى سولتۇستىك قازاقستان وڭىرىنە قونىستانادى»، - دەدى اقتاۋ قالاسى اكىمىنىڭ ورىنباسارى ءابىلقايىر بايپاقوۆ قوعامدىق كوممۋنيكاتسيا ورتالىعى.


ايتا كەتەيىك، وڭىرگە كەلگەن 53 ادامنىڭ 25- ءى بالا، بارلىعى 20 وتباسى اتامەكەنگە ورالدى. تاريحي وتانىنا كەلگەندەردىڭ ءبىرى حاديشا اداي. اتامەكەندى اڭساپ، ەگەمەن ەلىنە كەلگەن ول قۋانىشىن جەتكىزىپ، جىلى لەبىزىمەن ءبولىستى.

«مەن تۇركىمەنستاندا تۋدىم. دەگەنمەن جۇمىس بابى بويىنشا بوجنۋرد قالاسىندا 22 جىل تۇردىم. تۋعان اپكەم، قىزىم، تۋىستارىممەن بىرگە اتامەكەنگە كەلىپ جاتىرمىز. وتە قۋانىشتىمىز. بارلىعى دا جات ادامدار ەمەس اعايىندار. ىستىق ىقىلاسپەن قابىلداعاندارىڭىزعا وتە ريزامىز»، - دەدى حاديشا اداي.


بۇل كوش ق ر سىرتقى ىستەر مينيسترلىگى، ق ر يرانداعى ەلشىلىگى مەن «وتانداستار قورى» ك ە ا ق ماڭعىستاۋ جانە سولتۇستىك قازاقستان وبلىسى اكىمدىگىنىڭ قولداۋىمەن ۇيىمداستىرىلدى.

اۆتور: قاراكوز مارات



:ءبولىسۋ
سونداي-اق... وقىڭىز
پئكئر قالدئرؤ
+7
جئبةرؤ
ونلاين قىزمەتكەرلەر

مۇراعات