+7 (701) 759 90 19
14 °С : نۇر-سۇلتان
20 °С : الماتى
USD 426.39 EUR 504.16
RUB 5.87 CNY 66.28
جاڭالىقتار

قازاقستاندىقتار پوليتسياعا ءوز ەرىكتەرىمەن 53 مىڭ قارۋ- جاراق تاپسىردى

14 ماۋسىم 17:26
:ءبولىسۋ
قازاقستاندىقتار پوليتسياعا ءوز ەرىكتەرىمەن 53 مىڭ قارۋ- جاراق تاپسىردى

نۇر- سۇلتان. قازاقپارات - 2008 -جىلدان بەرى قارۋ- جاراقتاردى ءوز ەرىكتەرىمەن پوليتسياعا وتكىزگەن ەل تۇرعىندارىنا 1,7 ميلليارد تەڭگە سىياقى بەرىلدى.

بۇل تۋرالى ق ر ءى ءى م اكىمشىلىك پوليتسيا كوميتەتىنىڭ ءبولىم باستىعى اسىلبەك ىدىرىسوۆ ايتتى، دەپ حابارلايدى قازاقپارات ءتىلشىسى.

«2008 -جىلدان باستاپ تۇرعىنداردىڭ زاڭسىز ساقتالعان قارۋ- جاراق زاتتارىن ساتىپ الۋ اكسياسى جۇرگىزىلىپ كەلەدى. وسىنداي اكسيالاردىڭ ناتيجەسىندە حالىق اقشالاي سىياقىعا ءوز ەرىكتەرىمەن 53 مىڭنان استام اتىس قارۋى جانە ءيىر ويىقتى مىلتىققا ارنالعان 2 ميلليون دانادان استام وق تاپسىردى. وعان جالپى سوماسى 1,7 ميلليارد تەڭگەگە جۇمسالدى»، - دەدى.

ونىڭ اتاپ وتۋىنشە، بيىل دا ءدال وسىنداي اكسيا 20- ساۋىردە باستالدى. اكسيا اياسىندا مەملەكەت ەل تۇرعىندارىنان زاڭسىز قارۋ- جاراق پەن وق- ءدارى ساتىپ الۋ ءۇشىن 95 ميلليون تەڭگەدەن استام قاراجات ءبولدى.

«ازاماتتار پوليسيا ورگاندارىنا ءوز ەرىكتەرىمەن 1381 اتىس قارۋىن، ءيىر ويىقتى مىلتىققا ارنالعان 57 292 وق، سونىمەن قاتار 11 جارىلعىش قۇرىلعى جانە 15 كەلى جارىلعىز زات تاپسىردى. ولاردىڭ جالپى قۇنى 91 ميلليون 467 مىڭ تەڭگەنى قۇرايدى»، - دەدى ءبولىم باستىعى.

اسىلبەك ىدىرىسوۆتىڭ اتاپ وتۋىنشە، ازاماتتار وتكىزگەن قارۋ- جاراققا تولەنەتىن سوما 30 مىڭنان 300 مىڭ تەڭگەگە دەيىن بولادى.

اۆتور: مارلان جيەمباي


:ءبولىسۋ
سونداي-اق... وقىڭىز
پئكئر قالدئرؤ
+7
جئبةرؤ
ونلاين قىزمەتكەرلەر

مۇراعات