اقتوتى رايىمقۇلوۆا: توكيو وليمپياداسىنا 53 ليتسەنزيا جەڭىپ الدىق
مادەنيەت جانە سپورت ءمينيسترى اقتوتى رايىمقۇلوۆا ەل الدىنداعى ەسەبى كەزىندە بۇگىنگە دەيىن نەشە ليتسەنزيا جەڭىپ الىنعانىن ايتتى.
«ۇلتتىق وليمپيادا كوميتەتىمەن بىرلەسىپ، ۇلتتىق قۇراما كوماندالاردىڭ سپورتشىلارىن توكيو قالاسىندا وتەتىن جازعى وليمپيادا ويىندارىنا دايىنداۋ ءۇشىن بەلسەندى جۇمىس جۇرگىزىلۋدە. ۇلتتىق قۇراما سپورتتىڭ 30 ءتۇرى بويىنشا ەل نامىسىن قورعايدى. بۇگىنگى تاڭدا سپورتتىڭ 22 تۇرىنەن 53 ليتسەنزيا جەڭىپ الدىق»، - دەدى مينيستر.
سونداي-اق، ۆەدومستۆو باسشىسى ەرەكشە قاجەتتىلىكتەرى بار سپورتشىلار دا نازاردان تىس قالماعانىن اتاپ ءوتتى.
«جەرگىلىكتى اتقارۋشى ورگاندارمەن بىرلەسىپ بارلىق سپورت كەشەندەرىندە ەرەسەكتەر مەن ەرەكشە قاجەتتىلىكتەرى بار بالالار ءۇشىن سپورتپەن اينالىسۋ ءۇشىن جاعداي جاسالادى. مۇمكىندىگى شەكتەۋلى جاندار ءۇشىن ەلىمىزدە 15 سپورت كلۋبى، ەلوردادا پاراوليمپيادالىق جاتتىعۋ ورتالىعى جۇمىس ىستەيدى»، - دەدى اقتوقتى رايىمقۇلوۆا.
اۆتور: ەسىمجان ناقتىباي