نۇر-سۇلتان مەن الماتىعا قىتاي كۋرورتتارىنان 536 تۋريست كەلدى
ولاردىڭ ىشىندە شەتەلدىك تە ازاماتتار بار، دەپ حابارلايدى قازاقپارات ءتىلشىسى.
ق ر مادەنيەت جانە سپورت ءمينيسترى ۇسىنعان اقپاراتقا قاراعاندا، 29- قاڭتار كۇنگى ساعات 10:00 دەگى دەرەكتەرگە سايكەس، ق ح ر كۋرورتتارىنان 536 تۋريست كەلدى.
«ونىڭ ىشىندە ساعات 19:50 دە (28- قاڭتار) سانيا قالاسىنان نۇر-سۇلتانعا Tez tour» كومپانياسىنىڭ 295 ءتۋريسى جانە 29- قاڭتار كۇنى ساعات 00:25 تە حايكوۋ قالاسىنان الماتىعا «Aeroling» كومپانياسىنىڭ 241 ءتۋريسى كەلدى»، - دەلىنگەن اقپاراتتا.
قىتايدان كەلگەندەردىڭ 525 ءى قازاقستان ازاماتتارى، ال 11 ءى شەتەلدىكتەر. شەتەلدىكتەردىڭ بارلىعى دا نۇر-سۇلتان قالاسىنا ۇشىپ كەلگەن.
جولاۋشىلاردىڭ ءتىزىمى ەلىمىزدىڭ دەنساۋلىق ساقتاۋ مينيسترلىگىنە بەرىلگەن. نۇر-سۇلتان مەن الماتى قالاسى اۋەجايلارىنىڭ قىزمەتكەرلەرى ۇسىنعان دەرەكتەرگە سايكەس، توتەنشە جاعداي ورىن العان جوق.
ايتا كەتەرلىگى، 29- قاڭتار كۇنى ساعات 17:30 دا الماتىعا سانيا قالاسىنان 236 ادام كەلۋى ءتيىس. ولاردىڭ 201 ءى قازاقستاندىق تۋريست.