بيىل ءپىتىر ساداقا 535 تەڭگە بولىپ بەكىتىلدى
«بيىلعى ءپىتىر ساداقاسى جان باسىنا 535 تەڭگە بولىپ بەكىتىلدى. ءپىتىر ساداقاسى مولشەرى ەلىمىز بويىنشا ەكى كەلى ۇننىڭ ورتاق باعاسى نەگىزىندە بەلگىلەندى. ءپىتىر ساداقاسىن قۇرما، مەيىز باعاسىمەن بەرۋگە بولادى»، - دەدى باس ءمۇفتي.
ونىڭ اتاپ وتۋىنشە، شاريعاتىمىز بويىنشا باليعاتقا تولعان، اقىل- ەسى دۇرىس ءاربىر مۇسىلمانعا رامازان ايىندا ورازا ۇستاۋ - پارىز.
«الايدا، جولاۋشىلارعا، سىرقاتتانعان نەمەسە دەنساۋلىعى جارامايتىن ادامدار دەرتىنىڭ اسقىنۋىنان قاۋىپتەنسە ورازا تۇتۋدى كەيىنگە قالدىرۋعا شاريعاتىمىز رۇقسات بەرەدى. سونداي- اق جۇكتى نەمەسە ومىراۋدا بالاسى بار ايەلدەرگە دە ۋاقىتشا ورازا ۇستاماۋعا بولادى»، - دەدى ناۋرىزباي قاجى تاعان ۇلى.
ەسكە سالساق بيىل رامازان ايى 23-ناۋرىزدا باستالادى. قاسيەتتى قادىر ءتۇنى - 17 -ساۋىردەن 18-ساۋىرگە قاراعان ءتۇن. ال 21-ءساۋىر - ورازا ايتتىڭ ءبىرىنشى كۇنى.