بايان-ولگەيدە بولعان سەلدەن 530 ءۇيدى سۋ باسىپ قالدى

None
None
ۇلان- باتىر. قازاقپارات - موڭعوليانىڭ قازاقتار كوپ قونىستانعان بايان-ولگەي ايماعىندا نوسەر جاڭبىر سالدارىنان سۋ باسقان ءۇيدىڭ سانى 530 عا جەتتى.

بۇل تۋرالى «قازاقپارات» ح ا ا مونتسامە اگەنتتىگىنە سىلتەمە جاساپ حابارلايدى.

اگەنتتىكتىڭ حابارلاۋىنشا، قازىرگى كەزدە 530 ءۇيدى قىزىل سۋ الىپ كەتكەن. ءۇيسىز قالعان 2512 تۇرعىن ايماقتاعى بالاباقشا مەن مەكتەپتەردىڭ عيماراتتارىنا ورنالاستىرىلىپ جاتىر.

ارنايى كوميسسياسىنىڭ قورىتىندىسىنا سايكەس، كوپتەگەن وتباسىلاردىڭ ۇيلەرى تۇرۋعا جارامسىز بولىپ قالعان. اپات سالدارىن جويۋ جۇمىستارى جان-جاقتى جۇرگىزىلىپ جاتىر.

ەلدىڭ توتەنشە جاعدايلار جونىندەگى كوميتەتى تابيعات اپاتىنىڭ شىعىندارىن ەسەپتەپ، ءۇيسىز قالعاندارعا كومەكتەسۋدە.

ەسكە سالا كەتەيىك، بۇعان دەيىن ءبىز بايان-ولگەي ايماعىندا نوسەر جاڭبىر سالدارىنان 275 ءۇيدى سۋ العانى تۋرالى جازعان بولاتىنبىز.

سوڭعى جاڭالىقتار