ماڭعىستاۋدا بالىق ءوسىرۋ كولەمىن 52 مىڭ تونناعا دەيىن ارتتىرۋ كوزدەلىپ وتىر
بۇل تۋرالى ماڭعىستاۋ وبلىسىنىڭ بالىق شارۋاشىلىعى باسقارماسىنىڭ باسشىسى ارمان مولداشيەۆ ءمالىم ەتتى، دەپ حابارلايدى قازاقپارات ءتىلشىسى.
الداعى 8 جىلدا بالىق ءوسىرۋ كولەمىن 52 مىڭ تونناعا دەيىن جەتكىزبەك.
وڭىردە 2022-جىلى بالىق شارۋاشىلىعىنان بيۋجەتكە 47 ميلليون تەڭگەدەن استام ءتۇسىم بولعان. باسقارما باسشىسىنىڭ ايتۋىنشا، بۇل سالاعا مەملەكەتتىك قولداۋ بويىنشا بيىل 10,5 ميلليون تەڭگە ءبولىنىپ، ونىڭ 9,532 ميلليون تەڭگەسى يگەرىلگەن.
«قازىر مەملەكەت تاراپىنان بۇل سالاعا ءتيىستى قولداۋلار ارتىپ كەلەدى. تەك جۇمىستى رەتتەپ، جانداندىرۋ كەرەك. ول ءۇشىن ناقتى جوسپارلار قويىلىپ، جۇيەلى جۇمىس جاسالۋى كەرەك. بالىقشىلارعا قولداۋ كورسەتىلىپ، ولار دا وزدەرىنە قاتىستى جاۋاپكەرشىلىك الا بىلۋلەرى قاجەت. وسى كاسىپپەن اينالىسىپ جۇرگەندەرگە ايتارىم - ناقتى ۇسىنىستارىڭىزدى رەتتەپ بىزگە بەرىڭىزدەر، تالقىلايمىز، ناقتى جوسپار جاسايىق. اشىقتىق بولسىن. تەتىگىن تاۋىپ بالىق ءوسىرۋ مەن اۋلاۋدى زاڭدى كاسىپ كوزىنە اينالدىرا ءبىلۋىمىز كەرەك»، - دەدى ماڭعىستاۋ وبلىسىنىڭ اكىمى نۇرلان نوعايەۆ.