+7 (701) 759 90 19
6 °С : نۇر-سۇلتان
17 °С : الماتى
USD 447.67 EUR 491.36
RUB 5.74 CNY 63.07
جاڭالىقتار

وڭتۇستىك كورەيادا تاعى 52 ادام كوروناۆيرۋس جۇقتىردى

21 اقپان 12:14
:ءبولىسۋ
وڭتۇستىك كورەيادا تاعى 52 ادام كوروناۆيرۋس جۇقتىردى

سەۋل. قازاقپارات - وڭتۇستىك كورەيادا كوروناۆيرۋس جۇقتىرۋدىڭ تاعى 52 جاعدايى تىركەلدى.

وسىلايشا، اتالعان ەلدەگى ينفەكتسيا جۇقتىرعاندار سانى 156 ادامعا جەتتى، دەپ حابارلايدى قازاقپارات YONHAP NEWS AGENCY اگەنتتىگىنە سىلتەمە جاساپ.

اۋرۋدى جاڭادان جۇقتىرعانداردىڭ كوبى تەگۋ قالاسىنىڭ وڭتۇستىك-شىعىسىندا شىركەۋ قىزمەتىنە كەلگەن ادامدار. جاڭادان اۋرۋ جۇقتىرعان 52 ادامنىڭ 41 ءى - سەۋلدەن وڭتۇستىك-شىعىسقا قاراي 300 شاقىرىم جەردە جانە كورشىلەس سولتۇستىك كەنسان پروۆينتسياسىنان. سەۋلدە تاعى ءۇش جاعداي تىركەلدى، دەپ حابارلايدى كورەيانىڭ اۋرۋلاردى باقىلاۋ جانە الدىن الۋ ورتالىعىنىڭ (KCDC) مالىمدەمەسىندە.

ينفەكسيا بىردەن بايقالا قويماعان وسى ەكى قالادا اۋرۋدىڭ ءورشۋى دەنساۋلىق ساقتاۋ شەنەۋنىكتەرىن COVID-19 جەرگىلىكتى جەردە تارالا باستاعانىن حابارلاۋعا ءماجبۇر ەتتى.

جۇقتىرعاندار سانى ارتقاننان كەيىن جانە كوروناۆيرۋستان قازا تابۋ جاعدايلارىنان كەيىن ۇكىمەت تەگۋ مەن چحوندو قالالارىن «ەرەكشە باسقارۋ ايماقتارى» رەتىندە جاريالاۋ جونىندە شەشىم قابىلدادى.

تەگۋدە جانە كورشىلەس پروۆينتسيا سولتۇستىك كەنساندا راستالعان جاعدايلاردىڭ جالپى سانى – 111، ال تەگۋدە شىركەۋ قىزمەتىنە بايلانىستى ۆيرۋستى جۇقتىرۋ جاعدايلارىنىڭ سانى 82 گە جەتتى.

جۇما كۇنى ۆيرۋستىڭ بولۋىنا تەست جاسالعان جانە كارانتيندەگى ادامدار سانى 2707 ادامدى قۇرادى، بەيسەنبىدە بۇل كورسەتكىش 1860 بولعان.

3- قاڭتاردان باستاپ وڭتۇستىك كورەيا COVID-19 ۆيرۋسىنا قاتىستى 14816 ادامعا تەكسەرۋ جۇرگىزدى، 11953 ادامدا ۆيرۋس جوق، ال 16 پاتسيەنت تولىق ساۋىققاننان كەيىن كارانتيننەن شىعارىلدى.


باستى سوزدەر: الةم,
:ءبولىسۋ
پئكئر قالدئرؤ
+7
جئبةرؤ
ونلاين قىزمەتكەرلەر
رەداكتور
ريزابەك نۇسىپبەك
ريزابەك نۇسىپبەك
954-049
رەداكتور
بەيسەن سۇلتان
بەيسەن سۇلتان
954-049
رەداكتور
كۇنسۇلتان وتارباي
كۇنسۇلتان وتارباي
954-049

مۇراعات